ایگزیکٹوڈائریکٹر الحمراء ذوالفقار علی زلفی کی زیر صدارت اجلاس،یوم یکجہتی کشمیر کو بھرپور ملی جوش و جذبے سے منانے کا فیصلہ

جمعرات 27 جنوری 2022 15:51

لاہور(اُردو پوائنٹ اخبارتازہ ترین - این این آئی۔ 27 جنوری2022ء) ایگزیکٹوڈائریکٹر لاہور آرٹس کونسل الحمراء ذوالفقار علی زلفی نے کہا ہے کہ الحمراء یوم یکجہتی کشمیر کو بھرپور ملی جوش و جذبے سے منائے گا،اس حوالے سے الحمراء نے تیاریاں کا آغاز کر دیا ہے،اس موقع پر الحمراء کشمیریوں کی آواز کو پوری دنیا تک پہچانے کے لئے نمائش کاانعقاد کرئے گا،جس کے لئے آرٹسٹوں نے ان کاکام طلب کر لیا گیا ہے، آرٹسٹوں کو اوپن کال دے کر اپنا کام 31جنوری تک الحمراء آرٹ گیلری میں جمع کروانے کی درخواست کی گئی ہے۔

(جاری ہے)

جو اس نمائش کے موقع پر آویزاں کیا جائے گا۔علاوہ ازیں الحمرا ء نے مقابلہ پینٹنگ بعنوان ’’سٹی سکیپ آف لاہور ‘‘ منعقد کروانے کا فیصلہ کیا ہے جس میں آرٹسٹ اپنا کام یکم فروری 2022تک الحمراء آرٹ میوزیم ،الحمراء کلچرل کمپلیکس ،قذافی سٹیڈیم میں بھیج سکیں گے،مقابلہ جیتے والوں کے لئے 5تا 20ہزار تک کے پانچ انعام رکھے گئے ہیں۔