صدر مملکت کی بلوچستان کے ضلع کیچ میں چیک پوسٹ پر دہشت گرد حملے کی مذمت

دہشت گردی کے خلاف مسلح افواج کی قربانیاں بے مثال ہیں، عارف علوی کا بیان

جمعہ 28 جنوری 2022 21:28

صدر مملکت کی بلوچستان کے ضلع کیچ میں چیک پوسٹ پر دہشت گرد حملے کی مذمت

اسلام آباد (اُردو پوائنٹ اخبارتازہ ترین - این این آئی۔ 28 جنوری2022ء) صدر مملکت ڈاکٹر عارف علوی نے بلوچستان کے ضلع کیچ میں چیک پوسٹ پر دہشت گرد حملے کی مذمت کرتے ہوئے 10 فوجی جوانو ں کی شہادت پر گہرے دکھ کا اظہار کیا ہے۔

(جاری ہے)

جمعہ کو یہاں ایوان صدر کے میڈیا ونگ سے جاری بیان میں صدر مملکت نے شہداء کے لواحقین سے ہمدردی کا اظہار کیا اور کہا کہ ایسے بزدلانہ حملے ہمارے حو صلے پست نہیں کر سکتے، پاکستان دہشت گردی کو جڑ سے اکھاڑ پھینکنے کے لیے پرعزم ہے۔ انہوں نے کہا کہ دہشت گردی کے خلاف مسلح افواج کی قربانیاں بے مثال ہیں۔