تمباکو کا استعمال صحت کیلئے نہایت مضر ہے ، جنرل سیکرٹری پاکستان نیشنل ہارٹ ایسوسی ایشن

بدھ 9 مارچ 2022 15:08

اسلام آباد(اُردو پوائنٹ اخبارتازہ ترین - اے پی پی۔ 09 مارچ2022ء) پاکستان نیشنل ہارٹ ایسوسی ایشن (پناہ) کے جنرل سیکرٹری و ڈائریکٹر آپریشن ثناء اللہ گھمن نے کہا ہے کہ تمباکو کا استعمال صحت کیلئے نہایت مضر ہے، اس کا موثر حل تمباکو مصنوعات پر ٹیکس میں اضافہ ہے۔ نیشنل نو سموکنگ ڈے کے موقع پر اپنے بیان میں ثناء اللہ گھمن نے کہا کہ پاکستان میں سگریٹ ٹیکس پالیسی کے مضمرات، پالیسی بریف میں مالی سال 22 ۔

2021 میں تین مختلف فیڈرل ایکسائز ڈیوٹی کی شرحوں کے اثرات کا اندازہ لگانے سے متعلق سوشل پالیسی اینڈ ڈویلپمنٹ سینٹر (ایس پی ڈی سی ) نے پاکستان کے لئے ایک پالیسی بریف لکھا، جس میں واضح کیاگیاکہ پاکستان میں اس وقت کم قیمت والے پیک کے لیے ایکسائز ٹیکس کا حصہ 42.6 فیصد اور پریمیم پیک کے لیے 59.8 فیصد ہے۔

(جاری ہے)

ان کی استطاعت کی وجہ سے کم قیمت سگریٹ کا مارکیٹ شیئر 92 فیصد ہے۔

انہوں نے کہاکہ پاکستان میں سگریٹ ٹیکس پالیسی کے مضمرات کے موضوع پر سوشل پالیسی اینڈ ڈویلپمنٹ سینٹر کے پاکستان کے لئے ایک پالیسی بریف میں واضح کیاگیاکہ پاکستان میں پانچ سال کے دوران ٹیکس میں کوئی تبدیلی نہیں کی گئی، جو فنانس ایکٹ 2021 کے مندرجات کی عکاسی کرتی ہے۔ اس عمل کی کمی کے نتیجے میں،بالغ تمباکونوشی کرنے والوں میں 232,000 اضافہ ہواو اور 256,000 مستقبل میں مزیدتمباکو نوشی کرنے والے افراد میں مزید اضافہ ہوگا، اور تمباکو نوشی سے منسوب بیماریوں سے 81,000 مزید اموات ہوئیں۔

محققین نے جائزہ لیتے ہوئے بتایاکہ ایف ای ڈی کی شرح میں 30% اضافہ سے سگریٹ کی کھپت میں نمایاں کمی واقع ہوگی، ریونیو کی مد میں 29.7 ارب روپے جمع ہوں گے۔30 فیصد اضافے کے نتیجے میں 220,000 بالغ تمباکو نوشی کرنے والے افراد میں کمی آئے گی، اور 243,000 مستقبل میں سگریٹ نوشی کرنے والے افراد کم ہونگے، تمباکو نوشی سے منسوب بیماریوں سے ہونے والی 77,000 اموات بچ سکیں گی۔ جنرل سیکریٹری پناہ ثناء اللہ گھمن نے کہا کہ آمدہ بجٹ میں تمباکو نوشی کے مضر اثرات کو کم کرنے کے لیے ایف ای ڈی کی شرح میں 30 فیصد اضافے کی سفارش کی جانی چاہیے،تاکہ بیماریوں کاخاتمہ ہواورریونیومیں بھی خاطرخواہ اضافہ ہو۔