}وفاقی و صوبائی وزراء کو کام سے روکنے کے کیس کی سماعت آج ہو گی

اتوار 13 مارچ 2022 18:15

ؒ لاہور (اُردو پوائنٹ اخبارتازہ ترین - آن لائن۔ 13 مارچ2022ء) لاہور ہائیکورٹ میں وفاقی وزیر خسرو بختیار اور صوبائی وزیر ہاشم جواں بخت کو کام سے روکنے کے کیس کی سماعت آج ( پیر) کے روز ہو گی ۔چیف جسٹس لاہور ہائیکورٹ جسٹس امیر بھٹی کیس کی سماعت کریں گے۔

(جاری ہے)

درخواست گزار احسن عابد کی جانب سے دائر درخواست میں موقف اختیار کیا گیا ہے کہ خسرو بختیار اور ہاشم جواں بخت کا نام پنڈورا پیپرز، سوئس پیپرز میں بھی آیا،خسرو بختیار نے این اے 177 رحیم یار خان اور مخدوم ہاشم جواں بخت نے پی پی 259 رحیم یار خان سے انتخاب میں کامیابی حاصل کی، دونوں بھائیوں نے آمدن سے زائد اثاثے بنائے اور انہیں ظاہر نہیں کیا،دونوں بھائی صادق اور امین نہیں رہے، استدعا ہے کہ انہیں بطور وزیر کام کرنے سے روکا جائے۔