سابق چیئرمین اوگرا توقیر صادق کی غیر قانونی تقرری کا ریفرنس نیب کو واپس، دو سابق وزرائے اعظم کو ریلیف مل گیا

جمعہ 18 مارچ 2022 23:17

اسلام آباد (اُردو پوائنٹ اخبارتازہ ترین - این این آئی۔ 18 مارچ2022ء) سابق چیئرمین اوگرا توقیر صادق کی غیر قانونی تقرری کا ریفرنس نیب کو واپس، دو سابق وزرائے اعظم کو بھی احتساب عدالت سے ریلیف مل گیا۔

(جاری ہے)

نیب ترمیمی آرڈیننس کے تحت چیلنج کی گئی سابق وزیر اعظم یوسف رضا گیلانی اور راجہ پرویز اشرف سمیت دیگر کی درخواستوں پر فیصلہ سنایا گیا۔فیصلے میں کہا گیا کہ یوسف رضا گیلانی، راجہ پرویز اشرف کیخلاف احتساب عدالت ٹرائل چلانے کا اختیار نہیں رکھتی، توقیر صادق کی غیر قانونی تقرری سے متعلق ریفرنس احتساب عدالت کے دائرہ اختیار میں نہیں آتا۔واضح رہے کہ نیب نے ملزمان پر خلاف قانون توقیر صادق کو چیئرمین اوگرا تعینات کرنے کا ریفرنس دائر کیا تھا۔