Live Updates

وزیراعلیٰ مریم نواز شریف کی پنجاب ٹیم نے انسانیت کی روشن مثال قائم کر دی

پیر 1 ستمبر 2025 17:09

لاہور (اُردو پوائنٹ اخبارتازہ ترین - این این آئی۔ 01 ستمبر2025ء)وزیراعلیٰ مریم نواز شریف کی پنجاب ٹیم نے انسانیت کی روشن مثال قائم کر دی ہے۔ مظفرگڑھ کے قریب دریائے چناب کے سیلابی ریلے میں پھنسی 200بھینسوں کو ریسکیو کر لیا گیا۔ مظفر گڑھ کے جونا بنگلہ فلڈ ریلیف کیمپ میں وزٹ کے دوران ڈسٹرکٹ پولیس آفیسر مظفر گڑھ کو سیلاب میں گھرے مویشیوں کے بارے میں بتایا گیا۔

(جاری ہے)

ڈی پی او مظفر گڑھ نے ڈرون کیمروں کا استعمال کرتے ہوئے سیلابی ریلے میں پھنسے ہوئے مویشیوں کو ٹریس کیا۔ بھینسیں اور دیگر مویشی کنارے سے ایک کلو دور سیلابی ریلے میں گھرے ہوے تھے۔ پولیس اور ریسکیو ٹیم بوٹس لیکر دریا کے اندر پہنچ گئے اور ریسکیو آپریشن شروع کیا ۔ ریسکیو ٹیم نے 200 بھینسوںکو باحفاظت محفوظ مقامات پر منتقل کر دیا۔ مویشی مالکان نے ریسکیو ٹیم کا شکریہ ادا کیا اور اس عمل کو انسان دوستی کی بہترین مثال قرار دیا۔