چیئرمین اوگرا تعیناتی کیس ، یوسف رضا گیلانی اور راجہ پرویز اشرف سمیت چھ ملزمان کی بریت کے خلاف اپیل دائر

منگل 19 اپریل 2022 23:06

اسلام آباد(اُردو پوائنٹ اخبارتازہ ترین - آن لائن۔ 19 اپریل2022ء) چیئرمین اوگرا تعیناتی کیس میںدوسابق وزرائے اعظم سید یوسف رضا گیلانی اور راجہ پرویز اشرف سمیت چھ ملزمان کی بریت کے خلاف اپیل دائر کر دی گئی۔

(جاری ہے)

نیب نے احتساب عدالت سے ملزمان کی بریت کے فیصلے کو اسلام آباد ہائی کورٹ میں چیلنج کر دیا سکندر حیات میکن، جاوید نذیر، شوکت حیات درانی اور سابق چیئرمین اوگرا توقیر صادق کی بریت کو بھی چیلنج کیا گیا پراسیکیوٹر جنرل نیب نے چیئرمین نیب کی منظوری سے اسلام آباد ہائی کورٹ میں اپیل دائر کی اپیل میں عدالت کو بتایا گیا کہ سابق چیئرمین اوگرا توقیر صادق کی 22 جولائی 2009 کو خلاف قواعد تعیناتی ہوئی جس پر نیب نے ریفرنس دائر کیااحتساب عدالت نے 17 مارچ کو ملزمان کی بریت درخواستیں منظور کرتے ہوئے ریفرنس سے بری کر دیانیب ترمیمی آرڈی نینس کے تحت ملزمان کی بریت درخواستیں منظور کی گئیں یہ ریفرنس ترمیم شدہ آرڈیننس 2021 کے نفاذ اور اطلاق سے قبل دائر کیا گیا تھاپہلے سے دائر اور زیر سماعت ریفرنسز پر 2021 کے نیب ترمیمی آرڈی نینس کا اطلاق نہیں ہوتاٹرائل کورٹ نے ٹھوس وجوہات کے بغیر جلد بازی میں ملزمان کو بری کرنے کا فیصلہ سنایا اپیل میں عدالت سے استدعا کی گئی کہ احتساب عدالت کا فیصلہ کاالعدم قرار دے کر ٹرائل کی کارروائی کو آگے بڑھانے کا حکم دیا جائی