Live Updates

وزیراعلیٰ مریم نوازشریف کا جھنگ کے فلڈ ریلیف کیمپ کے قریب فیلڈ ہسپتال کا دورہ

پیر 1 ستمبر 2025 17:09

لاہور (اُردو پوائنٹ اخبارتازہ ترین - این این آئی۔ 01 ستمبر2025ء) وزیر اعلیٰ پنجاب مریم نواز شریف نے جھنگ کے فلڈ ریلیف کیمپ کے قریب فیلڈ ہسپتال کا دورہ کیا۔ وزیر اعلیٰ مریم نواز شریف نے فیلڈ ہسپتال میں ادویات، سیلاب متاثرین کو علاج معالجہ کی فراہمی کے حوالے سے دریافت کیا۔

(جاری ہے)

وزیراعلیٰ مریم نواز شریف نے ریلیف کیمپ میں ضلعی انتظامیہ کی جانب سے اقدامات کا جائزہ لیا اور جھنگ شہر سے ملحقہ حفاظتی بند کا بھی تفصیلی دورہ کیا۔ وزیر اعلیٰ مریم نواز شریف کی آمد پر عوام کا جم غفیر امڈ آیا۔ وزیر اعلیٰ مریم نواز شریف نے ننھی بچی سے شفقت کا اظہار کیا۔ معمر خاتون نے وزیر اعلیٰ مریم نواز شریف کا ہاتھ تھام کر دعائیں دیں۔