پاکستانی ٹرک پر سدھو موسے والا کی تصویر بنا دی گئی

بدھ 15 جون 2022 18:06

کراچی (اُردو پوائنٹ اخبارتازہ ترین - این این آئی۔ 15 جون2022ء) پاکستانی شخص نے بھارتی پنجابی گلوکار شبھ دیپ سنگھ سدھو عرف سدھو موسے والا کو خراجِ عقیدت پیش کرنے کے لیے ٹرک پر گلوکار کی تصویر بنوالی۔مداح سوشل میڈیا پلیٹ فارمز پر گلوکار کو مختلف انداز میں خراجِ عقیدت پیش کر رہے ہیں۔

(جاری ہے)

اب ایک ویڈیو میں سدھو موسے والے کے تمام چاہنے والوں کی توجہ اپنی طرف مبذول کرلی ہے، یہ ویڈیو کلپ پاکستان سے ہے۔ٹوئٹر پر ایک ویڈیو پوسٹ کی گئی ہے جس میں ایک ٹرک کے پیچھے سدھو موسے والا کی بڑی سی تصویر بنی ہوئی ہے۔ایک پاکستانی شخص جوکہ شاید ٹرک کا ڈرائیور ہے اپنے ہاتھوں سے گلوکار کی تصویر کو صاف کررہا ہے۔