سینئرٹی وی اداکارہ عائشہ خان انتقال کرگئیں

جمعہ 20 جون 2025 21:01

کراچی (اُردو پوائنٹ اخبارتازہ ترین - آن لائن۔ 20 جون2025ء) پاکستان کی سینئر ٹی وی اداکارہ عائشہ خان 76 برس کی عمر میں انتقال کرگئیں۔تفصیلات کے مطابق افشاں اور عروسہ جیسے یادگار ڈراموں سے شہرت پانے والی اداکارہ عائشہ خان 76 برس کی عمر میں دنیا فانی سے کوچ کرگئیں۔عائشہ خان پی ٹی وی کی سینئر اداکارہ تھیں جو اپنی شاندار اداکاری اور مقبول ڈراموں میں بہترین کارکردگی کی وجہ سے جانی جاتی تھیں۔

(جاری ہے)

عائشہ خان 1948 میں پیدا ہوئیں اور کراچی یونیورسٹی سے گریجویشن مکمل کیا، انہوں نے 1964 میں اداکاری کا آغاز کیا، وہ اداکارہ خالدہ ریاست (مرحومہ) کی بڑی بہن تھیں۔ان کے مشہور ڈراموں میں مبارک ہو بیٹی ہوئی ہے، تیری رضا، میری گڑیا، افشاں، عروسہ، فیملی 93، نقاب زن، مہندی اور دیگر کئی مقبول پی ٹی وی ڈرامے شامل ہیں۔پاکستانی اداکار خالد انعم نے سوشل میڈیا پر عائشہ خان کے انتقال کی افسوسناک خبر شیئر کی۔

اپنے پوسٹ میں خالد انعم نے لکھا انتہائی افسوس کے ساتھ اطلاع دی جاتی ہے کہ لیجنڈری پاکستانی اداکارہ عائشہ خان اس دنیا سے رخصت ہو گئی ہیں۔اداکار نے مزید لکھا کہ ان کی عمر 76 سال تھیِ اللہ تعالی ان کی مغفرت فرمائے، ان کے درجات بلند فرمائے اور ان کے اہل خانہ، مداحوں اور چاہنے والوں کو صبر عطا فرمائے۔

Facebook Twitter Google + Share on Whatsapp

سینئرٹی وی اداکارہ عائشہ خان انتقال کرگئیں

متعلقہ عنوان :

مزید فن و فنکار کی خبریں