اسلام آباد ہائی کورٹ، قومی اسمبلی کی دو اور پنجاب اسمبلی کی تین حلقہ بندیوں کے خلاف درخواستوں پر الیکشن کمیشن اور حلقہ بندی کمیٹی کو نوٹس جاری

9 29 ستمبر تک جواب طلب کر لیا

جمعہ 12 اگست 2022 20:28

اسلام آباد(اُردو پوائنٹ اخبارتازہ ترین - آن لائن۔ 12 اگست2022ء) اسلام آباد ہائی کورٹ نے قومی اسمبلی کی دو اور پنجاب اسمبلی کی تین حلقہ بندیوں کے خلاف درخواستوں پر الیکشن کمیشن اور حلقہ بندی کمیٹی کو نوٹس جاری کرتے ہوئے 29 ستمبر تک جواب طلب کر لیا۔

(جاری ہے)

اسلام آباد ہائی کورٹ کے قائم مقام چیف جسٹس عامر فاروق نے کیس کی سماعت کی درخواست گزار وفاقی وزیر مرتضیٰ محمود کی جانب سے ظفر ہاشمی ایڈوکیٹ عدالت میں پیش ہوئے درخواست گزار کے وکیل نے عدالت کو بتایا کہ قومی اسمبلی کے حلقہ این اے 173 اور 174 میں تبدیلیاں کی گئیں ہیں حلقہ بندیاں کرکے الیکشن ایکٹ کے سیکشن 20 کی خلاف ورزی کی گئی درخواست گزار کے وکیل نے عدالت سے استدعا کی کہ الیکشن کمیشن کی جانب سے دونوں حلقہ بندیوں سے متعلق 5 اگست 2022 کا نوٹی فکیشن کاالعدم قرار دیا جائے جس پر عدالت نے درخواست پر فریقین کو نوٹس جاری کرتے ہوئے جواب طلب کر لیا ۔