کراچی، پھینک کر تو کتوں کو بھی کھانا نہیں دیا جاتا، سیلاب متاثرہ بچی کا شکوہ ، ویڈیو وائرل

بدھ 7 ستمبر 2022 16:57

کراچی (اُردو پوائنٹ اخبارتازہ ترین - این این آئی۔ 07 ستمبر2022ء) پاکستان کی آدھی سے زیادہ آبادی اس وقت سیلاب کے سبب مصائب کی لپیٹ میں ہیں، ایسے میں سامنے آنے والی ویڈیوز انسانیت کا درد رکھنے والوں کے زخموں پر نمک کا کام کر رہی ہیں۔سوشل میڈیا سائٹ ٹوئٹر پر اس وقت سیلاب سے متاثرہ کمسن بچی کی ویڈیو تیزی سے وائرل ہو رہی ہے۔

(جاری ہے)

اس ویڈیو میں بچی کھانے پینے کی اشیا پھینک کر دینے سے متعلق اپنے مجروح جذبات کا اظہار کر رہی ہے۔

بچی کا کہنا ہے کہ کھانا پھینک کر دیتے ہیں، ہم کتے تو نہیں ہیں، اس طرح تو کتوں کو بھی نہیں کھانا دیا جاتا، کیا ہم کتے ہیں واضح رہے کہ سیلاب متاثرین کو امداد پہنچانے کے لیے اس وقت ملک بھر کی امدادی تنظیمیں، پاک فوج اور این جی اوز سرگرم ہیں جبکہ اِن امدادی کارروائیوں میں دن بدن تیزی بھی آ رہی ہے۔