بادشاہ ہمیشہ بادشاہ ہوتا ہے اور بابر ایک بادشاہ ہے، دنیا بہت جلد بھول جاتی ہے

محمد رضوان جیسا فائٹر میں نے نہیں دیکھا، ہم ہاریں گے بھی جیتیں گے بھی یہ کھیل کا حصہ ہے، یہ ہے ہمارا پاکستان اور ہماری ٹیم، شاداب خان کی جانب سے پاکستانی اوپننگ بلے بازوں کو بھرپور خراج تحسین

محمد علی جمعہ 23 ستمبر 2022 00:33

بادشاہ ہمیشہ بادشاہ ہوتا ہے اور بابر ایک بادشاہ ہے، دنیا بہت جلد بھول ..

کراچی (اردو پوائنٹ تازہ ترین اخبار ۔ 22 ستمبر 2022ء ) شاداب خان کا کہنا ہے کہ بابر ایک بادشاہ ہیں دنیا بہت جلد بھول جاتی ہے۔ تفصیلات کے مطابق انگلینڈ کے خلاف شاندار فتح کے بعد پاکستان کے آل راونڈر شاداب خان کی جانب سے پاکستانی اوپننگ بلے بازوں کو بھرپور خراج تحسین پیش کیا گیا ہے۔

Yaad rakhein King hamesha King hi hota hai aur @babarazam258 KING hai. Dunya buht jald bhool jaati hai. Aur @iMRizwanPak bhai jesa fighter maine nahi dekha. Hum harein gai bhi jeetay gai bhi, it is part of cricket. Yeh hai hamara Pakistan, hamari team. #PakistanZindabad pic.twitter.com/g4ry2T2djf
— Shadab Khan (@76Shadabkhan) September 22, 2022

اپنی ٹوئٹ میں شاداب خان کا کہنا ہے کہ بادشاہ ہمیشہ بادشاہ ہوتا ہے اور بابر ایک بادشاہ ہے، دنیا بہت جلد بھول جاتی ہے۔

انہوں نے مزید کہا کہ محمد رضوان جیسا فائٹر میں نے نہیں دیکھا، ہم ہاریں گے بھی جیتیں گے بھی یہ کھیل کا حصہ ہے، یہ ہے ہمارا پاکستان اور ہماری ٹیم۔ جبکہ اس سے قبل فاسٹ باولر شاہین شاہ آفریدی نے نیشنل کرکٹ اسٹیڈیم میں پاکستان کی شاندار فتح اور بابر اعظم اور محمد رضوان کی تاریخی بلے باز پر دلچسپ ردعمل دیا۔

(جاری ہے)

❌ Could not extract embed code.

گزشتہ دنوں ناقدین کی بے جا تنقید کی زد میں رہنے والے اوپننگ بلے بازوں کے ناقدین پر شاہین آفریدی نے طنز کرتے ہوئے لکھا کہ کپتان بابر اعظم اور محمد رضوان کو ٹیم سے نکالو، یہ خود غرض کھلاڑی ہیں، اچھا کھیلتے تو 15 ویں اوور میں میچ ختم ہو جاتا لیکن میچ کو آخری اوور تک لے گئے۔

شاہین نے مزید طنز کرتے ہوئے کہا کہ کیوں نہ ایک مہم شروع کی جائے؟۔ اپنی ٹوئٹ کے آخر میں شاہین شاہ آفریدی نے لکھا کہ انہیں اس شاندار پاکستانی ٹیم پر فخر ہے۔ واضح رہے کہ انگلینڈ کے خلاف میچ کے دوران بابر اعظم اور محمد رضوان کی جوڑی نے کئی ریکارڈ توڑ ڈالے، دونوں بلے باز ہدف کے تعاقب میں ڈبل سینچری شراکت داری قائم کرنے والی دنیا کی پہلی اوپننگ جوڑی بن گئی۔

جبکہ محمد رضوان اور بابر اعظم ٹی ٹونٹی انٹرنیشنلز کی سب سے کامیاب جوڑی بھی بن گئے۔ پاکستانی پیئر نے بھارت کے شیکھر دھون اور روہت شرما کی جوڑی کو پیچھے چھوڑ دیا، بھارتی جوڑی نے 52 اننگز میں 1743 رنز بنائے تھے تاہم بابر اور رضوان نے 36 شراکتوں میں بھارتی جوڑی سے زیادہ رنز بنالیے ہیں۔ محمد رضوان اور بابر اعظم کے درمیان اوسط پارٹنرشپ سکور 52 سے زائد ہے اوران دونوں کی جوڑی بطور پارٹنرز 1800 رنز جوڑنے والی پہلی جوڑی بھی بن گئی۔ یاد رہے انگلینڈ کے خلاف دوسرے ٹی ٹوئنٹی میچ میں بابر اعظم اور محمد رضوان نے ڈبل سنچری پارٹنر شپ بنا کر بین الاقوامی ٹی ٹوئنٹی کرکٹ میں تاریخی کامیابی حاصل کرلی۔