ڈپٹی کمشنر او رمیونسپل کمشنرکا لطیف آبادشہر کے مختلف علاقوں کا دورہ ،صفائی ستھرائی کے انتظامات کا جائزہ

پیر 26 ستمبر 2022 23:25

حیدرآباد (اُردو پوائنٹ اخبارتازہ ترین - اے پی پی۔ 26 ستمبر2022ء) ڈپٹی کمشنر و ایڈمنسٹریٹر فوادغفار سومرو او رمیونسپل کمشنر فاخر شاکر نے لطیف آبادوشہر کے مختلف علاقوں کا دورہ کیا اور صفائی ستھرائی کے جائزہ کے ساتھ ساتھ 12ربیع الاول جشن عید میلاد النبی ﷺکے حوالے سے مختلف ایریاز میں مساجد ، مدرسوں ، امام بارگاہوں اور 12 ربیع الاول کے حوالے سے ہونے والے اجتمامات کا بھی تفصیلی جائزہ لیا ، انہوں نے صفائی ، ستھرائی اور لائٹنگ کے علاوہ دیگر انتظامات کو وقت سے پہلے مکمل کرنے کیلئے احکامات جاری کئے اور تمام جلوس کی گزرگاہوں کو صاف ستھرا رکھنے کیلئے فوری اقدامات کرنے کی ہدایت کی۔

انہوں نے ہدایت دی کہ ڈینگی ملیریا اسپرے کا سلسلہ روزانہ کی بنیاد پر جاری رکھا جائے تاکہ اینٹی ڈینگی ملیریا کے بخار سے حیدرآباد کے شہریوں کو بچایا جاسکے۔

(جاری ہے)

بلدیہ کا شعبہ ہیلتھ 12ربیع الاول کے حوالے سے جاری احکامات پر کاموں میں مصروف ہو گیا اور عوامی شکایات کے ازالہ کرنے کیلئے اقدامات کئے جارہے ہیں ، جشن عید میلاد النبی ﷺکے حوالے سے شعبہ الیکٹرک کا عملہ لطیف آبادوسٹی کے مختلف علاقوں میں اسٹریٹ لائٹ کی مرمت اور فکسنگ کرنے میں مصروف ہے۔

UC-17آفندی ٹان، پھول والی گلی، پنجابی پاڑہ، پنجرہ پول، UC-24ساٹی پاڑہ، ریشم گلی، اردو بازار، UC-29دادن شاہ، الرحیم شاپنگ سینٹر، UC-45بالوشاہی محلہ، ہومیوپیتھک کالج، گرونگر، UC-47کھاتہ چوک، نائن کا پڑ، کھائی روڈ، UC-49ٹاورمارکیٹ ایریا نواآباد گلی ،UC-78درگاہ کرم علی شاہ اور جامع مدینہ مسجد، فیضان مدینہ، یامین بلڈرز والی گلی، UC-54-61-78اور محبوب گراونڈ کے مختلف علاقوں، محلوں اور گلیوں کے ساتھ ساتھ سڑکوں، چوراہوں پر رات گئے تک اینٹی ڈینگی ملیریا اسپرے کرنے کا سلسلہ جاری رہا تاکہ شہریوں کو اینٹی ڈینگی ملیریا کے بخار سے بچایا جاسکے ۔