آئی ایم ایف کا 2 پاورپلانٹس اور سٹیل مل کی فوری نجکاری کا مطالبہ

پلان کل (منگل )تک آئی ایم ایف کیساتھ فائنل کیا جائے گا ، رپورٹ

پیر 6 فروری 2023 22:40

اسلام آباد(اُردو پوائنٹ اخبارتازہ ترین - آن لائن۔ 06 فروری2023ء) عالمی مالیاتی فنڈز (آئی ایم ایف) نے 2 پاور پلانٹس اور سٹیل مل کی فوری نجکاری کا مطالبہ کر دیا۔

(جاری ہے)

میڈیارپورٹ کے مطابق آئی ایم ایف نے مطالبہ کیا ہے کہ جون تک حویلی بہادر شاہ اور بلوکی پاور پلانٹس کی نجکاری کی جائے ، نجکاری کمیشن دونوں پاور پلانٹس کی فوری نجکاری کا پلان دے، پاور پلانٹس کی نجکاری کا پلان کل (منگل )تک آئی ایم ایف کیساتھ فائنل کیا جائے گا۔ ذرائع کا کہنا ہے کہ آئی ایم ایف نے سٹیل ملز کی بھی فوری نجکاری کرنے کا مطالبہ کیا ہے، آرڈیننس میں ٹیکس اقدامات کا فیصلہ بھی آج تک ہو جائے گا۔