حج کرپشن کیس ، سپریم کورٹ نے ایف آئی اے کو اضافی دستاویزات لگانے کی اجازت دے دی

جمعرات 23 فروری 2023 20:41

اسلام آباد(اُردو پوائنٹ اخبارتازہ ترین - این این آئی۔ 23 فروری2023ء) حج کرپشن کیس کے ملزمان کے خلاف ایف آئی اے کی درخواست پر سپریم کورٹ نے ایف آئی اے کو اضافی دستاویزات لگانے کی اجازت دے دی ۔ جمعرات کو جسٹس اعجاز الاحسن کی سربراہی میں تین رکنی بنچ نے سماعت کی۔سابق وفاقی وزیر حامد سعید کاظمی کے وکیل لطیف کھوسہ عدالت میں پیش ہوئے اور کہاکہ دیگر ملزمان کو جو ریلف ملا اس کا آرڈر ایف آئی اے کے پاس جمع کرایا ہے۔

(جاری ہے)

وکیل لطیف کھوسہ نے کہاکہ حامد سعید کاظمی نے دیگر ملزمان کو ملا ریلف کے آرڈر کے تحت ایف آئی اے کو عدالتی حکم کا آرڈر دیا ہے۔ انہوںنے کہاکہ حامد سید کاظمی کا معاملہ بھی مختلف نہیں۔ انہوںنے کہاکہ عدالت پہلے ہی دیگر ملزمان کا یکساں طرز کا معاملہ مسترد کر چکی ہے۔ وکیل ایف آئی اے نے کہاکہ عدالت اجازت دے تو کیس میں کچھ مزید دستاویزات لگانے ہیں۔ وکیل لطیف کھوسہ نے کہاکہ یہ کوئی ٹرائل تو نہیں جو اضافی دستاویزات لگائی جائے، 6 افسران کی ڈیوٹی لگائی گئی مگر وہ بھی کوئی دستاویزات نہ نکال سکے۔سپریم کورٹ نے ایف آئی اے کو اضافی دستاویزات لگانے کی اجازت دیتے ہوئے سماعت غیر معینہ مدت کیلئے ملتوی کردی