Live Updates

سابق چیف ثاقب نثار کا واٹس ایپ نہیں کردار ہیک ہوا ہے، اسلم غوری

عزت و احترام نام سے ناواقف ثاقب نثار اپنے دور میں لوگوں کی عزتوں سے کھلواڑ کرتا رہا، ترجمان جے یو آئی

منگل 7 مارچ 2023 18:28

اسلام آباد(اُردو پوائنٹ اخبارتازہ ترین - این این آئی۔ 07 مارچ2023ء) سابق چیف جسٹس ثاقب نثار کے واٹس ایپ ہیک ہونے پر ترجمان جے یوآئی اسلم غوری نے کہا ہے کہ سابق چیف ثاقب نثار کا واٹس ایپ نہیں کردار ہیک ہوا ہے۔ اپنے بیان میں ترجمان جے یو آئی نے کہاکہ ثاقب نثار کے دعوں میں کردار میں تضاد ، معلوم نہیں ایسے لوگ کیسے اتنے بڑے عہدوں پر پہنچ کر ان عہدوں کی تذلیل کا باعث بن جاتے ہیں۔

(جاری ہے)

ترجمان جے یو آئی نے کہاکہ ثاقب نثار کو اپنے بچوں کی فکر ہے لیکن پاکستان کا مستقبل داؤ پر لگا دیا ہے۔ انہوںنے کہاکہ عزت و احترام نام سے ناواقف ثاقب نثار اپنے دور میں لوگوں کی عزتوں سے کھلواڑ کرتا رہا۔اسلم غوری نے کہاکہ ملکی تباہی میں ثاقب نثار مکمل ذمہ دار ہے۔ترجمان جے یو آئی نے کہاکہ اقتدار کے چند سالوں میں ثاقب نثار فرعون بنا رہا۔اسلم غوری نے کہاکہ ثاقب نثار آج بھی عمران نیازی کا سہولت کار ہے۔