م*ایف آئی اے بہاولپور کا ورکشاپ پر چھاپہ، کر کروڑوں روپے کے ٹرانسفارمر برآمد

اتوار 21 مئی 2023 21:40

, بہاولپور(اُردو پوائنٹ اخبارتازہ ترین - آن لائن۔ 21 مئی2023ء) ایف آئی اے بھاولپور سرکل نے غیر قانونی سرگرمیوں میں ملوث بجلی ٹرانسفارمر ورکشاپ پر چھاپہ مار کر چشتیاں میں واقع میپکو کے ٹرانسفارمر برآمد کر کے مقدمہ درج کر لیا ۔چھاپے کے دوران ٹرانسفارمر کی باڈیاں، غیر معیاری تیل، کوائلز کاپر میٹریل برآمد کر لیا گیا۔موقعہ سے بڑی تعداد میں ٹرانسفارمرز ، قیمتی آئل اور کاپر کے علاوہ غیر معیاری سلور کوائلز بر آمد کر لی گئی۔

میپکو کے ٹرانسفامرز غیر قانونی طور پر سٹور کر کے ان سے قیمتی کاپر اور آئل چوری کیا جا رہا تھا۔ ملزم میپکو افسران واہلکاروں کی ملی بھگت سے ٹرانسفارمرز سے قیمتی کاپر اور آئل نکال کر ان میں سستا اور غیر معیاری آئل اور سلور کوائل ڈالا جاتا تھا۔

(جاری ہے)

غیر معیاری آئل اور سلور کوائل سے لائن لاسسز کی صورت میں حکومت پاکستان کو کروڑوں کا نقصان ہورہا تھا چوری شدہ کاپر اور آئل مارکیٹ میں انتہائی مہنگے داموں فروخت کر کے میپکو اور حکومت پاکستان کو مالی نقصان پہنچایا جا رہا تھا ۔

ملزم ناظم بٹ آئیسکو اہلکاروں کی ملی بھگت سے ایک دوسرے کو مالی فائدہ پہنچا رہے تھے۔ ٹیکنیکل رپورٹ کی روشنی میں ملزم سے تفتیش کا آغاز کیا جائے گا ۔ اس گھناونے جرم میں ملوث میپکو افسران و اہلکاروں کے خلاف بھی سخت قانونی کارروائی عمل میں لائی جائے گی ۔ایک اور چھاپہ مار کارروائی میں ٹیم نے ڈرگ انسپیکٹر کے ساتھ مشترکہ کارروائی کرتے ہوئے بہاولنگر کے علاقے سے جعلی اور غیر رجسٹرڈ ادویات برآمد کر لی۔

غیر رجسٹرڈ ادویات کی فروخت سے سادہ لوح لوگوں کی زندگیوں سے کھیلا جا رہا تھا ۔تعدد غیر معیاری اور غیر رجسٹرڈ ادویات کو قبضے میں لے کر تحقیقات کا آغاز کر دیا گیا۔تیسری کارروائی میں ٹیم نے جیولری کی آڑ میں حوالہ ہنڈی میں ملوث ملزم کو گرفتار کر لیا۔ ملزم محمد اصغر کو ہارون آباد کے علاقے فقیر ولی سے گرفتار کیا گیا اور ملزم کے قبضے سے 1000 سعودی ریال، 26600 روپے مالیت کے عمانی ریال اور پرائز بانڈ، 26600 روپے، موبائل اور ہنڈی حوالہ سے متعلق رسیدیں برآمد کر لی گئی جبکہ ملزم کے خلاف فارن ایکسچینج ریگولیشن ایکٹ کے تحت مقدمہ درج کر لیا گیا /مزید تفتیش جاری ہے۔