ملک کے مختلف علاقوں میں زلزلے کے شدید جھٹکے

ریکٹر اسکیل پر شدت 6 ریکارڈ کی گئی‘ خوفزدہ لوگ کلمہ طیبہ کا ورد کرتے ہوئے گھرو ں سے باہر آگئے

ساجد علی اتوار 28 مئی 2023 11:16

ملک کے مختلف علاقوں میں زلزلے کے شدید جھٹکے

اسلام آباد ( اُردو پوائنٹ اخبارتازہ ترین ۔ 28 مئی 2023ء ) اسلام آباد، راولپنڈی، لاہور اور پشاور سمیت ملک کے مختلف شہروں میں زلزلے کے شدید جھٹکے محسوس کیے گئے۔

(جاری ہے)

تفصیلات کے مطابق وفاقی دارالحکومت کے گردو نواح کے علاوہ مری، راولپنڈی، لاہور، سرگودھا، خوشاب، چکوال اٹک اور فیصل آباد کے ساتھ ساتھ ملک کے شمالی اور بالائی علاقوں میں بھی زلزلے کے شدید جھٹکے محسوس کیے گئے، صوبہ خیبر پختونخوا میں پشاور، سوات، صوابی، مالاکنڈ، ایبٹ آباد، لوئردیر اور شبقدر میں بھی زلزلے کے جھٹکے محسوس کیے گئے۔

بتایا گیا ہے کہ آزاد کشمیر کے شہر مظفرآباد اور گردونواح کے علاوہ گلگت بلتستان میں دیامر اور مختلف علاقوں میں بھی زلزلے کے جھٹکے محسوس کیے گئے، زلزلے کی شدت 6 ریکارڈ کی گئی، زلزلےکی گہرائی 223 کلومیٹر تھی اور زلزلے کا مرکز افغانستان تاجکستان بارڈر تھا، زلزلے کے باعث خوفزدہ لوگ کلمہ طیبہ کا ورد کرتے ہوئے گھرو ں سے باہر آگئے، فوری طور پر کسی قسم کے نقصان کی اطلاع نہیں ملی۔