انسداد تمباکو نوشی کا عالمی دن کل(بدھ کو)منایا جا ئے گا

منگل 30 مئی 2023 12:46

فیصل آباد (اُردو پوائنٹ اخبارتازہ ترین - اے پی پی۔ 30 مئی2023ء) انسداد تمباکو نوشی کا عالمی دن(ورلڈ نو ٹوبیکو ڈے) کل 31 مئی بروزبدھ کومنایا جا ئے گا۔مقامی میڈیکل یونیورسٹی کے چیسٹ سپیشلسٹ، پلمونالوجسٹ و ممتاز ماہر طب پروفیسر ڈاکٹر اکمل خان نے اے پی پی کو بتایا کہ تمباکو مصنوعات کی تیاری میں تمباکو کی صنعت 600بلین درختوں اور 22000بلین ٹن پانی سگریٹ بنانے میں استعمال کرتی اور 84000ملین ٹن کاربن ڈائی آکسائیڈ کا اخراج ہوا میں ہوتا ہے جو عالمی درجہ حرارت میں اضافے کا باعث ہے نیزیہ انسانی صحت کیلئے بھی انتہائی خطرناک ہے۔

انہوں نے کہا کہ پاکستان میں ہر سال اٹھارہ سال سے کم عمر تقریباً 12سے15سو بچے تمباکو نوشی کا آغاز کرتے ہوئے اپنے اندر زہر انڈیلتے ہیں لہٰذااگر یہ رجحان اسی طرح بڑھتا رہا تو ملک میں دل اور پھیپھڑوں کی بیماریوں کی شرح میں بھی خطرناک حد تک اضافہ ہوجائے گا۔

(جاری ہے)

انہوں نے کہا کہ تمباکو نوشی کرنے والا اپنی اوسط عمر سے 15 سال پہلے موت کے منہ میں چلا جاتا ہے کیونکہ ایک سگر یٹ ا نسان کی عمر آٹھ منٹ تک کم کردیتی ہے جس کی وجہ اس میں چار ہزار سے زائد نقصان دہ اجزاکی موجودگی ہے اور اس کے ساتھ تمباکو نوشی سے سالانہ لاکھوں افراد دل اور پھیپھڑوں کے سرطان جیسی خطرناک بیماریوں میں مبتلا ہوکر زندگی کی بازی ہار بیٹھتے ہیں۔

انہوں نے اپیل کی کہ پاکستان کو ٹوبیکو فری بنانے کیلئے ضروری ہے کہ سگریٹ پر پابندی عائد کرتے ہوئے خلاف ورزی کرنے والے افراد کو سخت سزائیں دی جائیں تاکہ اس کی وجہ سے ہزاروں خاندان اپنے سربراہان سے محروم نہ ہوں۔

Facebook Twitter Google + Share on Whatsapp

انسداد تمباکو نوشی کا عالمی دن کل(بدھ کو)منایا جا ئے گا

متعلقہ عنوان :

مزید قومی خبریں