پاکستان کے بعد آسٹریلیا، انگلینڈ بورڈز نے بھی مالیاتی ماڈل پر سوال اٹھادیا

آئی سی سی کی کمائی میں بھارت کے بڑے حصے سے ایسوسی ایٹ ممالک بھی پریشان

ہفتہ 3 جون 2023 17:23

پاکستان کے بعد آسٹریلیا، انگلینڈ بورڈز نے بھی مالیاتی ماڈل پر سوال ..

لاہور (اُردو پوائنٹ اخبارتازہ ترین - این این آئی۔ 03 جون2023ء) انٹرنیشنل کرکٹ کونسل (آئی سی سی)کی مجوہ مالیاتی ماڈل پر انگلینڈ اور آسٹریلوی بورڈز نے بھی سوال اٹھادیا۔تفصیلات کے مطابق نئے آئی سی سی فنانشل ماڈل سے بھارتی کرکٹ بورڈ کو ممکنہ طور پر 38.50فیصد رقم 231ملین ڈالر ملے گی،اس کے بعد دوسرا نمبر انگلینڈ کا 6.89فیصد کے حساب سے 41.33ملین ڈالر ہے،کرکٹ آسٹریلیا کے حصے میں 6.25فیصد شیئر کے لحاظ سے 37.53ملین ڈالر آنے ہیں جبکہ پاکستان کو آئی سی سی کی متوقع آمدنی کا 5.75فیصد دیا جانا تھا۔

(جاری ہے)

بھارت نے انگلینڈ اور آسٹریلیا کے بورڈز کے ساتھ ملکر سال 2014ء میں بگ تھری کا فارمولہ بنایا تھا جو بری طرح ناکام ثابت ہوا، اس منصوبے کا مقصد زیادہ سے زیادہ کمائی حاصل کرنا تھا تاہم اب بھارتی بورڈز آسٹریلیا اور انگلینڈ کو پیچھے چھوڑتے ہوئے اکیلا حکمرانی کرنا چاہتا ہے۔بی سی سی آئی نے انڈین پریمیئر لیگ (آئی پی ایل)کو بڑھا کر اپنی جڑیں مضبوط کرلی ہیں جبکہ اسکے علاوہ انکی فرنچائزرز نے دنیا کی مختلف لیگز میں اپنے ٹیمیں خرید رکھیں ہیں، جس میں کھلاڑیوں کو کروڑوں روپے دیے جاتے ہیں۔