ؒفوزیہ وہاب بہادر اور حوصلہ مند خاتون تھیں، آخری سانس تک پاکستان پیپلز پارٹی کے ساتھ ہی کھڑی رہیں ،عامر فدا پراچہ

ہفتہ 17 جون 2023 19:55

راولپنڈی(اُردو پوائنٹ اخبارتازہ ترین - آن لائن۔ 17 جون2023ء) سابق صدر آصف علی زرداری کے ترجمان وایم ڈی پاکستان بیت المال عامر فدا پراچہ نے کہا ہے کہ فوزیہ وہاب بہادر اور حوصلہ مند خاتون تھیں وہ اپنی آخری سانس تک پاکستان پیپلز پارٹی کے ساتھ ہی کھڑی رہیں فوزیہ وہاب کی گیارہویں برسی کے موقع پر انکی سیاسی و سماجی خدمات پراپنے تعزیتی پیغام میں انہوں نے کہاکہ تمام پارٹی کارکنان انہیں خراج عقیدت پیش کرتے ہیں مرحومہ رکن قومی اسمبلی ہونے کے ساتھ محترمہ بینظیر بھٹو کی دست راست اور سابق صدر پاکستان آصف علی زرداری کی سیاسی مشیر بھی رہ چکی ہیں فوزیہ وہاب پارٹی کارکنان اور قیادت کے مابین بہترین رابطہ کار تھیں عامر فدا پراچہ نے مزید کہا کہ فوزیہ وہاب کی سیاسی سماجی انسانی حقوق اور حقوق خواتین کی بحالی کے لیے گرانقدر خدمات کے عوض انھیں حکومت پاکستان کی جانب سے قومی اعزاز ہلال امتیاز پاکستان سے بھی نواز گیا کارکنان پاکستان پیپلز پارٹی رہتی دنیا تک فوزیہ وہاب کو انسانی حقوق کی بحالی اور حقوق نسواں کی بہادر علمبردار کے طور پہ ہمیشہ یاد رکھیں گے۔