3 سالہ بچے کو 40 فٹ گہرے کنویں سے زندہ نکال لیا گیا

بچے کو فوری طور پر اسپتال منتقل کیا گیا جہاں اس کی حالت تسلی بخش ہے،حکام

پیر 24 جولائی 2023 15:51

3 سالہ بچے کو 40 فٹ گہرے کنویں سے زندہ نکال لیا گیا

پٹنہ(اُردو پوائنٹ اخبارتازہ ترین - این این آئی۔ 24 جولائی2023ء) بھارت میں کنویں میں گرنے والے 3 سالہ بچے کو زندہ نکال لیا گیا۔بھارتی میڈیا کے مطابق ریاست بہار کے علاقے نلدا میں کھیت میں کام کرنے والی ایک خاتون کا بچہ کھیلنے کے دوران پیر پھسلنے کے باعث 40 فٹ گہرے کنویں میں جا گرا۔ بچے کی ماں نے فوری طور پر پولیس کو اطلاع دی۔

(جاری ہے)

امدادی ٹیموں نے موقع پر پہنچ کر بچے کو صحیح سلامت نکالنے کی کوششیں شروع کیں اور 6 گھنٹے طویل آپریشن کے بعد بچے کو کنویں سے زندہ نکال لیا گیا۔

بچے کو فوری طور پر اسپتال منتقل کیا گیا جہاں اس کی حالت تسلی بخش ہے۔پولیس حکام کے مطابق کسانوں نے زیر زمین پانی استعمال میں لانے کے لیے کنواں کھودا تھا تاہم پانی نہ نکلنے پر کنویں کو بند کرنے بجائے کھلا چھوڑ دیا تھا۔