پولیس کا چھاپہ، پٹواری رشوت کے 5 ہزار روپے نگل گیا

پٹواری گجندر سنگھ کے خلاف مقدمہ درج کرلیا گیا اور مزید تحقیقات جاری ہیں،رپورٹ

منگل 25 جولائی 2023 13:48

پولیس کا چھاپہ، پٹواری رشوت کے 5 ہزار روپے نگل گیا

جبل پور(اُردو پوائنٹ اخبارتازہ ترین - این این آئی۔ 25 جولائی2023ء) بھارت میں رشوت لیتے ہوئے پکڑے جانے والے سرکاری ملازم نے 5 ہزار روپے نگل لیے۔بھارتی میڈیا کے مطابق ریاست مدھیہ پردیش کے علاقے کاتنی میں اسپشل پولیس اسٹیبلشمنٹ کی ٹیم کو رشوت خورسرکاری ملازمین کے خلاف مہم کے دوران ایک شخص نے پٹواری گجندر سنگھ کے خلاف رشوت کا مطالبہ کرنے کی رپورٹ درج کروائی۔

(جاری ہے)

پولیس حکام کہنا تھا کہ پٹواری نے رشوت کے پیسے اپنے پرائیوٹ دفتر میں وصول کیے اور جیسے ہی پولیس ٹیم موقع پر پہنچی اس نے نوٹ نگل لیے۔ گجندر سنگھ کو نوٹ نگلنے کے بعد اسپتال منتقل کیا گیا جہاں اس کو معائنے کے بعد صحت مند قرار دیا گیا۔پٹواری گجندر سنگھ کے خلاف مقدمہ درج کرلیا گیا اور مزید تحقیقات جاری ہیں۔