آئی فون خریدنے کیلئے والدین نے 8 ماہ کا بیٹا فروخت کر دیا

جمعہ 28 جولائی 2023 18:37

نئی دہلی (اُردو پوائنٹ اخبارتازہ ترین - آن لائن۔ 28 جولائی2023ء) بھارت میں والدین نے آئی فون خریدنے کے لئے اپنا آٹھ ماہ کا بچہ فروخت کر دیا۔ بھارتی خبر رساں ادارے کے مطابق بے رحم والدین کا تعلق بھارت مغربی بنگال کے ضلع پرگناس سے ہے، انہوں نے انسٹاگرام ریلز بنانے کی خاطر آئی فون خریدنے کے لیے اپنے آٹھ ماہ کے بیٹے کو فروخت کر دیا۔

(جاری ہے)

بھارتی پولیس کا کہنا ہے کہ یہ واقعہ اس وقت سامنے آیا جب اس بچے کے والدین کے ہاتھ میں پڑوسیوں نے آئی فون دیکھا، آئی فون دیکھنے پر پڑوسیوں کو شک گزرا اس کی وجہ ان کے حالات کی خرابی تھی ان کا مشکل سے گزارا ہوتا تھا۔