کانکررزنے ویمنزانڈر19 ٹی ٹونٹی ٹورنامنٹ جیت لیا

فائنل میں چیلنجرز کو 8وکٹوں سے شکست کا سامنا

جمعرات 21 ستمبر 2023 23:07

لاہور (اُردو پوائنٹ اخبارتازہ ترین - این این آئی۔ 21 ستمبر2023ء) پاکستان کرکٹ بورڈ کے تحت ہونے والا ویمنز انڈر19 ٹی ٹونٹی ٹورنامنٹ کانکررز نے جیت لیا۔لاہور کنٹری کلب مرید کے میں ہونے والے ٹورنامنٹ کے فائنل میں کانکررز نے چیلنجرز کو8 وکٹوں سے شکست دیدی۔چیلنجرز نے ٹاس جیت کر پہلے بیٹنگ کی لیکن پوری ٹیم 18.1اوورز میں صرف 66رنز بناکر آئوٹ ہوگئی۔

(جاری ہے)

ماہین عرفان11 اور فضا فیض 10 دو بیٹرز ہی ڈبل فگرز میں آسکیں۔ سب سے زیادہ 16 رنز ایکسٹرا کے تھے۔میمونہ خالد نے 17اور قر العین نی9 رنز دے کر دو دو وکٹیں حاصل کیں۔جواب میں کانکررز نی13.1 اوورز میں دو وکٹوں کے نقصان پر مطلوبہ ہدف حاصل کرلیا۔ ردا اسلم 19اور دینا رضوی 18رنز بناکر ناٹ آئوٹ رہیں۔صبا شیر نے دونوں وکٹیں حاصل کیں۔میمونہ خالد فائنل کی بہترین کھلاڑی قرار پائیں۔اس ٹورنامنٹ میں پانچ ٹیموں چیلنجرز ۔ کانکررز۔ اسٹرائیکرز، بلاسٹرز اور انونسیبلز نے حصہ لیا۔