پاکستان سمیت دنیا بھر میں ورلڈ ہارٹ ڈے 29ستمبر بھر پور طریقے سے منایاجائے گا

جمعرات 28 ستمبر 2023 14:46

فیصل آباد (اُردو پوائنٹ اخبارتازہ ترین - اے پی پی۔ 28 ستمبر2023ء) پاکستان سمیت دنیا بھر میں" ورلڈ ہارٹ ڈے" کل 29 ستمبر بروز جمعہ کو بھر پور طریقے سے منایاجائے گا ۔

(جاری ہے)

اس موقع پر عالمی ادارہ صحت، حکومت پاکستان، محکمہ صحت پنجاب، انسٹیٹیوٹس آف کارڈیالوجی، ہارٹ سیور فاؤنڈیشن اور بعض دیگر سرکاری، غیر سرکاری تنظیموں و این جی اوز کے زیر اہتمام فیصل آباد انسٹیٹیوٹ آف کارڈیالوجی سمیت ملک بھرکے مختلف شہروں میں خصوصی تقریبات کا انعقاد کیاجائیگا جبکہ اس موقع پر پاکستان میڈیکل ایسوسی ایشن کے زیر اہتمام سیمینارز، کانفرنسز، ورکشاپس، مذاکروں، مباحثوں اور دیگر پروگرامات کا بھی اہتمام کیاجائیگا۔

عالمی ادارہ صحت کے ذرائع کے مطابق اس بار ورلڈ ہارٹ ڈے کا تھیم "یوزہارٹ ناوہارٹ "ہے۔ انہوں نے بتایاکہ ورلڈ ہارٹ ڈے کے موقع پرفیصل آبادانسٹیٹیوٹ آف کارڈیالوجی کے زیر اہتمام واک کا بھی انعقاد کیاجائیگاجس کی قیادت ماہر کارڈیالوجسٹ صاحبان کریں گے جبکہ واک میں ڈاکٹرز، نرسز، ٹیکنیشنز سمیت سول سوسائٹی کے افرادبھی بڑی تعداد میں شرکت کریں گے۔