جو ممالک ریپ کے مجرم کو سرعام پھانسی دیتے ہیں کیا وہاں یہ جرم ختم ہوگیا؟ شیری رحمان

سرعام پھانسیوں سے معاشرے میں ریپ ختم نہیں ہوگا، اس سے معاشرے میں بربریت میں اضافہ ہوگا، سینیٹر شیری رحمن کا موقف

جمعرات 28 ستمبر 2023 20:00

جو ممالک ریپ کے مجرم کو سرعام پھانسی دیتے ہیں کیا وہاں یہ جرم ختم ہوگیا؟ ..

اسلام آباد (اُردو پوائنٹ اخبارتازہ ترین - این این آئی۔ 28 ستمبر2023ء) سینیٹ کی قائمہ کمیٹی برائے داخلہ نے کریمنل لاء ترمیمی بل 2023ء متفقہ طور پر منظورکرلیا۔سینیٹر محسن عزیز کی زیر صدارت سینیٹ کی قائمہ کمیٹی برائے داخلہ کا اجلاس ہوا، اجلاس میں سینیٹر ثمینہ ممتاز زہرا نے کریمنل لاء ترمیمی بل 2023ء منظوری کیلئے پیش کیا جسے متفقہ طور پر منظور کر لیا گیا۔

(جاری ہے)

بل کی منظوری سے جنسی زیادتی کے شکار افراد کا نجی ہسپتال میں علاج ممکن ہوگا، جنسی زیادتی کے شکار لوگوں کو ابتدائی طبی امداد پرائیویٹ ہسپتال دینے کا پابند ہوگا، جنسی زیادتی کے شکار فرد کو نجی ہسپتال ابتدائی امداد کے بعد 24 گھنٹوں کے اندر سرکاری ہسپتال کو ریفر کرے گا۔بل پر بحث کرتے ہوئے سینیٹر مشتاق احمد نے کہا کہ عمر قید کی سزا اور سزائے موت کی جگہ سرعام پھانسی کی جائے، پھانسی سرعام ڈی چوک میں نہیں جیل میں سب قیدیوں کے سامنے دی جائے۔اس پرسینیٹر شیری رحمان نے کہا کہ سرعام پھانسی سے بربریت ہوگی، جن معاشروں میں ایسی سرعام پھانسی ہوئی ہے وہاں بھی جرائم میں کمی نہیں آئی۔