لاہور ہائیکورٹ،پرویز الٰہی کو عدالتی حکم کے باوجود گرفتار کرنے پر توہین عدالت کیس پر کارروائی غیر معینہ مدت تک ملتوی

پیر 2 اکتوبر 2023 23:02

لاہور (اُردو پوائنٹ اخبارتازہ ترین - آن لائن۔ 02 اکتوبر2023ء) لاہور ہائیکورٹ کے جسٹس سلطان تنویر احمد نے سابق وزیراعلیٰ پرویز الٰہی کو عدالتی حکم کے باوجود گرفتار کرنے پر توہین عدالت کیس پر کارروائی غیر معینہ مدت تک ملتوی کر دی۔ ڈی آئی جی آپریشنز اور ڈی آئی جی انوسٹی گیشن نے عدالت سے غیر مشروط معافی مانگ لی۔ عدالت کی مصروفیت کی وجہ سے سماعت ملتوی کر دی گئی۔

(جاری ہے)

عدالتی حکم پر ڈی آئی جی انوسٹی گیشن سمیت دیگر افسران پیش ہوئے، ڈی آئی جی آپریشنز اور ڈی آئی جی انوسٹی گیشن کی جانب سے شان گل ایڈووکیٹ نے تحریری جواب عدالت میں جمع کروا دیا۔ جواب میں دونوں افسران نے غیر مشروط معافی مانگ تے ہوئے موقف اپنایا کہ عدالتی احکامات کی خلاف ورزی نہیں کی، اسلام آباد پولیس نے پرویز الٰہی کو گرفتار کیا تھا، لاہور پولیس نے گرفتار نہیں کیا، آئی جی اسلام آباد کی جانب سے جمع کروائے گئے جواب میں کہا گیاکہ پرویز الٰہی کو گرفتار نہ کرنے سے متعلق احکامات کے بارے میں علم نہیں تھا، پرویز الٰہی کی درخواست میں ہم فریق بھی نہیں تھے جس کے باعث عدالتی احکامات کے بارے میں ہمیں علم نہیں تھا۔۔