سیچوان زرعی نمائش میں پاکستانی پویلین کی دھوم

جمعہ 27 اکتوبر 2023 22:55

بیجنگ (اُردو پوائنٹ اخبارتازہ ترین - این این آئی۔ 27 اکتوبر2023ء) چینگڈو میں منعقدہ نویں سیچوان ایگریکلچرل ایکسپو میں پاکستانی پویلین کی بطور مہمان خصوصی رونمائی کی گئی۔ ربن کاٹنے کی تقریب میں چین میں پاکستان کے سفیر معین الحق، ٹریڈ ڈیولپمنٹ اتھارٹی آف پاکستان (ٹی ڈی اے پی)کے سیکرٹری ڈاکٹر فرید اقبال اور چینگڈو میں قائم مقام قونصل جنرل آغا حنیف عباس خان نے شرکت کی۔

گوادر پرو کے مطابق تقریب سے خطاب کرتے ہوئے انہوں نے پاکستان اور سیچوان کے درمیان قریبی تعاون پر زور دیا اور صوبے کی اقتصادی اور سماجی ترقی بالخصوص زرعی شعبے کی تعریف کی۔ گوادر پرو کے مطابق پویلین میں پاکستان کے بھرپور زرعی ورثے کی نمائش کی گئی، جس میں منفرد دستکاری، تازہ پیداوار اور دیگر زرعی مصنوعات پیش کی گئیں۔

(جاری ہے)

نمائش میں پاکستان کے دلکش قدرتی مناظر کی تصویر بھی پیش کی گئی، جس میں زرعی فراوانی اور مواقع کی امید افزا زمین کی عکاسی کی گئی۔

گوادر پرو کے مطابق نمائش کے علاوہ چینگڈو میں پاکستانی قونصلیٹ نے پاکستان میں زرعی شعبے کی سرمایہ کاری اور مالی قابلیت پر توجہ مرکوز کرتے ہوئے تکمیلی سیشنز کا اہتمام کیا۔ ان سرگرمیوں نے زرعی تعاون کو آگے بڑھانے کے لئے ایک زرخیز زمین پیش کی ، جس سے پاکستان اور سیچوان کے مابین گہرے روابط کے لئے زیتون کی شاخ کو وسعت ملی۔تین روزہ نمائش، جو زرعی کامیابیوں اور جدید ٹیکنالوجیز کا سنگم ہے، میں 20 ممالک اور چین کے 31 صوبوں نے شرکت کی، جس میں 3000 سے زائد کاروباری اداروں نے شرکت کی ۔

Facebook Twitter Google + Share on Whatsapp

سیچوان زرعی نمائش میں پاکستانی پویلین کی دھوم

متعلقہ عنوان :

مزید عجیب و غریب خبریں