Live Updates

ن لیگ الیکشن میں بغیر کسی الائنس کے حصہ لے گی، رانا تنویر حسین

چیئرمین پی ٹی آئی کوکسی صورت این آر او نہیں ملے گا، القادر ٹرسٹ سمیت تمام جرائم کا حساب دینا ہو گا،میڈیاسے گفتگو

منگل 31 اکتوبر 2023 22:10

شرقپور(اُردو پوائنٹ اخبارتازہ ترین - این این آئی۔ 31 اکتوبر2023ء) مسلم لیگ (ن)کے سینئر رہنما و سابق وفاقی وزیر رانا تنویر حسین نے کہا ہے کہ ن لیگ باضابطہ طور پر کمپین شروع کر رہی ہے اور بغیر کسی الائنس کے الیکشن میں حصہ لے گی۔

(جاری ہے)

میڈیا سے گفتگو کرتے ہوئے رانا تنویر حسین نے کہا کہ نواز شریف کو کبھی بھی 5سال نہیں دیے گئے لیکن پھر بھی انہوں نے ہر بار ملک کو معاشی ترقی کی راہ پر گامزن کیا۔انہوں نے کہا کہ شیخ رشید کے چلے کا عمل نہیں لیکن ان کا کہنا ہے کہ مجھے کسی نے کچھ کہا نہیں۔چیئرمین پی ٹی آئی کے حوالے سے راناتنویرحسین نے کہاکہ انہیں کسی صورت این آر او نہیں ملے گا، عمران خان کو القادر ٹرسٹ سمیت تمام جرائم کا حساب دینا ہو گا۔