بھارت کی شکست پر بھرپور بھنگڑا، گلوکار علی گل پیر کا عرفان پٹھان کو کرارا جواب

سابق بھارتی کرکٹر عرفان پٹھان نے پاکستان کیخلاف افغانستان کی فتح پر میدان میں ہی بھنگڑا ڈالا تھا

محمد علی منگل 21 نومبر 2023 00:12

کراچی (اُردو پوائنٹ اخبارتازہ ترین۔ 20 نومبر2023ء) بھارت کی شکست پر بھرپور بھنگڑا، گلوکار علی گل پیر کا عرفان پٹھان کو کرارا جواب۔ تفصیلات کے مطابق معروف کامیڈین، گلوکار، اداکار و میزبان علی گل پیر نے متعدد مواقعوں پر پاکستان کیخلاف زہر اگلنے اور طنز کرنے والے عرفان پٹھان کو ان کی انداز میں بھرپور جواب دیا ہے۔ علی گل پیر نے سوشل میڈیا پر جاری کی گئی ایک ویڈیو کے ذریعے بھارتی کرکٹ ٹیم کے سابق فاسٹ بولر عرفان پٹھان کو جواب دیا ہے۔

آئی سی سی کرکٹ ورلڈ کپ 2023 کے عرفان پٹھان پاکستان کیخلاف مسلسل طنز اور تنقید کرتے رہے، جبکہ پاکستان اور افغانستان کے میچ میں انہوں نے کمنٹیٹر ہونے کے باوجود تمام حدیں پار کرتے ہوئے صرف پاکستان کیخلاف اپنی چھوٹی ذہنیت کا مظاہرہ کرنے کیلئے میدان میں افغان اسپنر راشد خان کیساتھ بھنگڑا تک کر ڈالا۔

(جاری ہے)

عرفان پٹھان نے پاکستان کے خلاف افغانستان کی جیت پر بھنگڑا ڈالا۔

جبکہ اب ورلڈکپ فائنل میں بھارت کی آسٹریلیا کے ہاتھوں شکست کے بعد عرفان پٹھان کو سوشل میڈیا پر خوب ٹرولنگ کا سامنا ہے۔ ایسے میں پاکستانی کامیڈین علی گل پیر نے بھی انہیں ٹرول کرتے ہوئے جواب دے دیا۔

Sunday acha raha @IrfanPathan https://t.co/GrtRLeY9dj pic.twitter.com/oixB32Egdk
— Ali Gul Pir (@Aligulpir) November 20, 2023

سوشل میڈیا پر علی گل پیر نے بھنگڑا ڈالتے ہوئے اپنی ویڈیو شیئر کی جس میں انہوں نے کہا کہ عرفان پٹھان یہ ویڈیو آپ کیلئے ہے۔

سوشل میڈیا پر علی گل پیر کی ویڈیو دیکھتے ہی دیکھتے وائرل ہو گئی۔ واضح رہے کہ گزشتہ روز احمد آباد میں بھارت کے تمام حربوں کو ناکام بناتے ہوئے آسڑیلیا چھٹی مرتبہ کرکٹ کا عالمی چیمپئن بن گیا تھا۔ کرکٹ ماہرین کے مطابق ورلڈکپ فائنل کیلئے احمد آباد کی پچ ایسی بنائی گئی تھی جو بظاہر بھارتی ٹیم کیلئے زیادہ سازگار تھی، تاہم آسٹریلیا کے کپتان پیٹ کمنز نے ٹاس جیتنے کے بعد پہلے باولنگ کرنے کا فیصلہ کر کے بھارت کی تمام منصوبہ بندی پر پانی پھیر دیا اور بھارتی وزیر اعظم نریندر مودی اور 1 لاکھ 30 ہزار شائقین کرکٹ کی موجودگی میں بھارتی کرکٹ ٹیم کو پچھاڑ دیا۔