صوبائی وزیر لائیو سٹاک ابراہیم حسن مراد کی زیر صدارت پنجاب حلال ڈیولپمنٹ ایجنسی کا اجلاس

جمعہ 24 نومبر 2023 23:05

لاہور (اُردو پوائنٹ اخبارتازہ ترین - آن لائن۔ 24 نومبر2023ء) صوبائی وزیر لائیو سٹاک ابراہیم حسن مراد کی زیر صدارت نیو منسٹر بلاک میں پنجاب حلال ڈیویلپمنٹ ایجنسی کا اجلاس منعقد ہوا۔ صوبائی وزیر کی جانب سے ڈی جی فوڈ اتھارٹی راجہ جہانگیر کو رجسٹرار پی ایچ ڈی اے کا اضافی چارج دیدیا گیا۔ راجہ جہانگیر نے جصوبائی وزیر کو ایجنسی بارے بریفنگ دیتے ہوئے ایجنسی کے فنکشنز اور درپیش مسائل بارے بتایا۔

صوبائی وزیر ابراہیم حسن مراد نے راجہ جہانگیر کو ایک ہفتے کا ٹاسک دیتے ہوئے تفصیلی رپورٹ پیش کرنے کی ہدایت کی۔ صوبائی وزیر نے ہدایت دی کہ کھانے پینے کی حلال اشیاء بارے آگاہی مہم شروع کی جائے۔ غیر ہلال امپورٹڈ اشیاء کی روک تھام لازمی بنائی جائے اور کھانے کی حلال مصنوعات اور غیر غذائی اشیاء کے لیے پنجاب بھر کے عوام میں آگاہی پھیلائی جائے۔

(جاری ہے)

صوبائی وزیر نے مزید ہدایت دی کہ پی ایچ ڈی اے مفتیوں کا شریعہ بورڈ تشکیل دے اور صوبہ بھر میں حلال اشیاء کے سرٹیفکیٹ کا عمل شروع کیا جائے۔ انہوں نے واضح کیا کہ حلال مصنوعات کی سرٹیفیکیشن کے حوالے سے سات دن کا وقت دیا جائے اور پی ایچ ڈی اے ایکٹ 2016 کے نفاذ کو یقینی بنائے۔صوبائی وزیر لائیو سٹاک نے مزید کہا کہ ایکٹ پر پابندی کے لیے فیلڈ سٹاف اور افسران کو پابند کیا جائے جبکہ مینوفیکچررز اپنی اشیاء پر حلال کا لوگو لازمی استعمال کریں۔

صوبائی وزیر نے کہا کہ مارکیٹ کا سروے کروایا جائے کہ کونسی کونسی اشیاء حلال ہیں اور لائسنس انکو جاری کیا جائے جو حلال پراڈکٹس کا لوگو لگائیں گے۔ کوء بھی کمپنی ایجنسی کی اجازت کے بغیر حلال کا لوگو نہ لگائے۔ صوبائی وزیر نے تاکید کی کہ غیر حلال اشیاء کی مارکیٹنگ بند کراء جائے اور حلال مصنوعات کی مارکیٹنگ یقینی بنائی جائے۔ ابراہیم حسن مراد نے واضح کیا کہ ایکٹ کے مطابق ایک سے دس لاکھ روپے تک جرمانہ ہوسکتا ہے اور عوام میں عوام میں آگاہی پھیلانی ہوگی کہ تین سال تک قید ہو سکتی ہے بلکہ جرمانہ اور قید دونوں بھی ہوسکتے ہیں