Live Updates

شکیب الحسن پاکستان سپر لیگ کے آئندہ ایڈیشن کا حصہ بننے کیلئے تیار

اتوار 26 نومبر 2023 16:55

ڈھاکہ (اُردو پوائنٹ اخبارتازہ ترین - این این آئی۔ 26 نومبر2023ء) بنگلہ دیش کے آل رائونڈر شکیب الحسن پاکستان سپر لیگ ( پی ایس ایل ) کے آئندہ ایڈیشن کا حصہ بننے کے لئے تیار ہوگئے۔سماجی رابطے کے پلیٹ فارم ایکس پر پی ایس ایل کے آفیشل ہینڈل کے ذریعے کی جانے والی پوسٹ میں بتایا گیا کہ بنگلہ دیشی آل راؤنڈر شکیب الحسن نے نویں ایڈیشن کے لئے سائن اپ کر لیا ہے۔

(جاری ہے)

یاد رہے کہ پی ایس ایل 9 کا ڈرافٹ دسمبر کے وسط میں نیشنل ٹی 20 ٹورنامنٹ کے اختتام کے فوراً بعد ہونا ہے۔بنگلہ دیشی آل راؤنڈر نے گزشتہ اور 2017 کے ایڈیشن میں پشاور زلمی کی نمائندگی کی تھی جبکہ وہ ایونٹ کے پہلے ایڈیشن میں کراچی کنگز کی جانب سے بھی حصہ لے چکے ہیں۔شکیب نے پی ایس ایل میں اب تک کل 13 میچز کھیل کر 16.45 کی اوسط سے 181 رنز بنائے اور 8 وکٹیں بھی حاصل کی ہیں۔خیال رہے کہ پی ایس ایل کے نویں سیزن کیلئے پلیئر ڈرافٹ کے پک ا?رڈر کو حتمی شکل دے دی گئی ہے جبکہ کوئٹہ گلیڈی ایٹرز ڈرافٹ میں پہلا انتخاب کرے گی۔
Live پی ایس ایل 10 سے متعلق تازہ ترین معلومات