اوپن یونیورسٹی سمسٹربہار 2023ء کے ایف اے پروگرامز کے نتائج کا اعلان ، امتحانی مشقیں جمع کرانے کا شیڈول بھی جاری

منگل 28 نومبر 2023 16:16

اسلام آباد (اُردو پوائنٹ اخبارتازہ ترین - اے پی پی۔ 28 نومبر2023ء) علامہ اقبال اوپن یونیورسٹی نے سمسٹر بہار 2023ء کے ایف اے پروگرامز کے نتائج کا اعلان گذشتہ روز کردیا۔ نتائج طلبہ کے سی ایم ایس پورٹلز پر فراہم کردیئے گئے ہیں۔پروگرامز مکمل کرنے والے طلبہ کو کمپلیٹرز بھی جلد ارسال کئے جائیں گے۔ یونیورسٹی نے سمسٹرخزاں 2023ء میں پیش کئے گئے میٹرک اور ایف اے پروگراموں کی مشقیں جمع کرانے کا شیڈول بھی جاری کرکے تفصیلات ویب سائٹ پر اپ لوڈ کردی ہیں۔

شیڈول کے مطابق میٹرک اور ایف اے پروگراموں کے چار مشقوں والے کورسز کی پہلی مشق جمع کرانے کی آخری تاریخ 4دسمبر ہے، دوسری مشق کی28 دسمبر، تیسری مشق کی29 جنوری جبکہ چوتھی مشق جمع کرانے کی آخری تاریخ 16فردری، 2024 مقرر کی گئی ہے جبکہ میٹرک اور ایف اے پروگراموں کے دو مشقوں والے کورسز کی پہلی مشق جمع کرانے کی آخری تاریخ 28دسمبر، 2023 جبکہ دوسری مشق جمع کرانے کی آخری تاریخ 16فروری، 2024 مقرر کی گئی ہے۔

(جاری ہے)

طلبہ اپنے کورسز کے ٹیوٹرز کے نام پتہ و دیگر معلومات سی ایم ایس پر اپنے پورٹل یا یونیورسٹی کے قریب ترین علاقائی دفتر سے حاصل کرسکتے ہیں۔ مقررہ تاریخوں کے بعد موصول ہونے والی مشق/مشقیں تاخیر شدہ تصور کی جائیں گی اور قابل قبول نہ ہونگی، جس کے ذمہ دار متعلقہ طلبہ ہوں گے۔یہاں یہ بات قابل ذکر ہے کہ وائس چانسلر، پروفیسر ڈاکٹر ناصر محمود نے سٹوڈنٹ سپورٹ سسٹم کو مضبوط کرنے کے حوالے سے اقدامات کے سلسلے میں شعبہ امتحانات، شعبہ داخلہ، ریجنل ڈائریکٹرز اور دیگر شعبوں کے سربراہان کو ہدایت کی ہے کہ اس بات کو یقینی بنایا جائے کہ تدریسی امور کی انجام دہی طے شدہ شیڈول کے مطابق ہو، یعنی داخلے، امتحانات اور نتائج کے اعلانات سمیت دیگر تدریسی امور یونیورسٹی کی تعلیمی سرگرمیوں کے سالانہ کیلنڈرکے عین مطابق ہو۔

یہی وجہ ہے کہ سمسٹر بہار 2024ء کے داخلوں کے آغاز سے دو ماہ قبل میٹرک اور ایف اے پروگراموں کے نتائج آؤٹ کردئیے گئے ہیں، باقی پروگراموں کے نتائج بھی جلد آؤٹ کردئیے جائیں گے۔

Facebook Twitter Google + Share on Whatsapp

اوپن یونیورسٹی سمسٹربہار 2023ء کے ایف اے پروگرامز کے نتائج کا اعلان ، امتحانی مشقیں جمع کرانے کا شیڈول بھی جاری

متعلقہ عنوان :

مزید تعلیم کی خبریں