غزہ جنگ بندی میں توسیع، وائٹ ہائوس کا خیرمقدم

غزہ جنگ بندی میں مزید توسیع دیکھنا چاہتے ہیں،ترجمان جان کربی

منگل 28 نومبر 2023 16:34

غزہ جنگ بندی میں توسیع، وائٹ ہائوس کا خیرمقدم

مقبوضہ غزہ (اُردو پوائنٹ اخبارتازہ ترین - این این آئی۔ 28 نومبر2023ء) غزہ جنگ بندی میں دو روز کی توسیع ہوگئی۔ وائٹ ہاس نے جنگ بندی میں توسیع کا خیر مقدم کیا ہے۔ غیرملکی خبر ایجنسی کے مطابق وائٹ ہائوس کا کہنا تھا کہ آئندہ 2 روز میں رہا ہونیوالے 20 یرغمالیوں میں امریکیوں کے شامل ہونے کی امید ہے۔ دوسری جانب واشنگٹن میں امریکی قومی سلامتی کے ترجمان جان کربی نے پریس بریفنگ میں کہا کہ غزہ جنگ بندی میں مزید توسیع دیکھنا چاہتے ہیں۔

(جاری ہے)

انہوں نے کہا اگلے دو روز میں حماس 20 افراد کو رہا کرے گا۔ رہا ہونے والوں میں خواتین اور بچے شامل ہوں گے۔ جان کربی نے کہا کہ تمام یرغمالیوں کی رہائی چاہتے ہیں۔ توسیع سے یرغمالیوں کی رہائی اور غزہ میں امدادی کارروائی ممکن ہو رہی ہے۔ غزہ میں تیل سمیت امدادی سامان کے ٹرکوں کی تعداد بڑھی ہے۔ جان کربی نے کہا کہ یرغمالیوں میں 8 یا 9 امریکی شہری بھی شامل ہیں۔ انہوں نے کہا امداد کیلیے جنگ بندی کے ہر دن کے ہر گھنٹے کا فائدہ اٹھائیں گے۔