اسلام آباد ، قتل و دیگر سنگین جر ائم میں ملوث 9 اشتہا ری مجرمان گرفتار

منگل 28 نومبر 2023 22:39

اسلام آباد(اُردو پوائنٹ اخبارتازہ ترین - این این آئی۔ 28 نومبر2023ء) اسلام آبادکیپٹل پولیس نے قتل و دیگر سنگین جر ائم میں ملوث 9اشتہا ری مجرمان کو گرفتار کرلیا۔

(جاری ہے)

تفصیلات کے مطابق اسلام آبادکیپٹل سٹی پولیس آ فیسر ڈاکٹر اکبر نا صر خاں کے خصوصی احکا ما ت کی روشنی میں اسلام آبادکیپٹل پولیس کا سنگین جر ائم میں ملوث مجرمان اشتہاری اور عدالتی مفروران کی گرفتار ی کے لیے بڑ ے پیما نے پر کر یک ڈاون جا ری ہے،ان احکا مات کی روشنی میں اسلام آباد کیپٹل پولیس ٹیمو ں نے گزشتہ 24گھنٹوں کے دوران سنگین جر ائم میں ملوث 09اشتہا ری مجرمان کی گرفتار ی عمل میں لا ئی، آئی سی سی پی اونے کہا کہ اشتہاری اور عدالتی مفروران کے خلاف مہم کو مزید موثر بناتے ہوئے مجرمان کو گرفتار کرکے قانون کے کٹہرے میں لایا جائے، شہریوں کے جان و مال کا تحفظ اسلام آباد کیپٹل پولیس کی اولین ذمہ داری ہے اس میں کسی قسم کی غفلت ولاپرواہی برداشت نہیں کی جائے گی، تمام پولیس افسران تلاشی اور جانچ پڑتال کو مزید موثر بنائیں اور جرائم کی بیخ کنی کے لئے تمام تر ضروری اقدامات کرتے ہوئے جرائم پیشہ مجرمان اور مقدمات میں نا مزد ملزمان کے گردگھیرا تنگ کریں اورانکو گرفتار کر کے جلد مقدمات کو یکسو کریں، اسلام آباد کیپٹل پولیس شہریوں کے جان و مال کے تحفظ کے لئے تمام تر وسائل بروئے کار لارہی ہے، شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکو ک چیزیا سرگرمی کے بارے میں متعلقہ تھانہ، ایمر جنسی ہیلپ لائن "پکار-"15یا"آئی سی ٹی ایپ "15-پر فوری اطلا ع دیں۔