امریکی انکشافات کے بعد کینیڈا نے بھارت پردباؤ بڑھا دیا

امریکا سے آئی خبریں نشاندہی کرتی ہیں کہ بھارت کو یہ معاملہ سنجیدگی سے لینے کی ضرورت ہے، جسٹن ٹروڈو

جمعرات 30 نومبر 2023 22:25

واشنگٹن (اُردو پوائنٹ اخبارتازہ ترین - آن لائن۔ 30 نومبر2023ء) امریکا میں سکھ رہنما گرپتونت سنگھ پنوں کے قتل کی سازش میں بھارتی شہری پر فردِ جرم عائد ہونے اور امریکی انکشافات کے بعد کینیڈا نے بھارت پر دباؤ بڑھا دیا۔غیرملکی خبر رساں ادارے کے مطابق کینیڈا نے بھارت سے ہردیپ سنگھ نجر قتل کیس کی تحقیقات میں مزید تعاون کا مطالبہ کیا ہے۔

(جاری ہے)

اس حوالے سے کینیڈا کے وزیرِ اعظم جسٹن ٹروڈو نے کہا ہے کہ امریکا سے آئی خبریں نشاندہی کرتی ہیں کہ بھارت کو یہ معاملہ سنجیدگی سے لینے کی ضرورت ہے۔

انہوں نے کہا ہے کہ معا ملے کی تہہ تک پہنچنے کے لیے بھارتی حکومت کینیڈا کے ساتھ تحقیقات میں تعاون یقینی بنائے۔ دوسری جانب بھارتی حکومت کی جانب سے خالصتان تحریک کے رہنماؤں کو امریکا میں چٴْن چٴْن کر قتل کرنے کے احکامات دیے جانے کا انکشاف بھی ہوا ہے۔