ملک کے بیشتر بالائی علاقوں میں مطلع ابر آلود ر ہنے کے علاوہ چند مقامات پر تیز ہوائوں اور گرج چمک کے ساتھ بارش کا امکان

جمعرات 30 نومبر 2023 22:42

اسلام آباد (اُردو پوائنٹ اخبارتازہ ترین - اے پی پی۔ 30 نومبر2023ء) ملک کے بیشتر بالائی علاقوں میں مطلع ابر آلود ر ہنے کے علاوہ چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق کل جمعہ کے روز ملک کے بیشتر علاقوں میں موسم سرد اور خشک رہے گا تاہم کشمیر اور گلگت بلتستان میں چند مقا مات پر بارش کا امکان ہے۔

اس کے علاوہ پنجاب، خیبر پختونخوا کے میدانی علاقوں اور بالائی سندھ میں صبح کے اوقات میں سموگ اور دھند چھائے رہنے کا امکان ہے ۔

(جاری ہے)

گذشتہ 24 گھنٹوں کے دوران ملک کے بیشترعلاقوں میں موسم سرد اور خشک رہا تاہم بالائی خیبر پختونخوا، بالائی پنجاب، کشمیر اور گلگت بلتستان میں گرج چمک کے ساتھ بارش ہوئی۔سب سے زیادہ بارش خیبر پختونخوا میں کالام،، مالم جبہ 09، بالاکوٹ07، کاکول 06، چترال، پٹن03، سیدو شریف 02، پنجاب میں مری 18،نارووال 05، لاہور (سٹی 02)، اسلام آباد،چکلالہ01، کشمیر میں مظفر آباد (سٹی 14،ائیرپورٹ 11)، گڑھی دوپٹہ 08،راولاکوٹ 03،گلگت بلتستان میں گوپس میں 01 ملی میٹر بارش ریکارڈ ہوئی۔