نگران وزیر آئی ٹی عمر سیف کے اثاثوں کے تفصیلات سامنے آگئیں

جمعرات 30 نومبر 2023 22:48

اسلام آباد(اُردو پوائنٹ اخبارتازہ ترین - آن لائن۔ 30 نومبر2023ء) نگران وزیر آئی ٹی عمر سیف کے اثاثوں کے تفصیلات سامنے آگئیں ،نگران وزیر برائے آئی ٹی عمر سیف 28 کروڑ روپے سے زائد اثاثوں کے مالک ہیںڈی ایچ اے ملتان میں 1 کنال رہائشی پلاٹ کی مالیت 62 لاکھ 50 ہزار ظاہر کی،دستاویزکے مطابق ڈی ایچ اے لاہور میں 4 مرلہ کمرشل پلاٹ کی مالیت 3 کروڑ 5 لاکھ 50 ہزار ظاہر کی گئی،لاہور کے علاقے مسلم ٹاؤن میں تجارتی عمارت کی مالیت 70 لاکھ ظاہر کی گئی ،ڈی ایچ اے لاہور میں اہلیہ کے نام پر 1 کنال رہائشی پلاٹ کی مالیت 1 کروڑ 43 لاکھ کی گئی،ڈی ایچ اے لاہور فیز 9 میں اہلیہ کے نام پر 4 مرلے کے رہائشی پلاٹ کی مالیت 4 کروڑ 35 لاکھ ظاہر کی گئی،اہلیہ کے نام پر ڈی ایچ اے فیز 11 میں 4 مرلے کا کمرشل پلاٹ کی مالیت 2 کروڑ 10 لاکھ 46 ہزار ظاہر کی گئی ،اہلیہ کے نام پر نیول انکرج لاہور میں 4 مرلے کی دو پلاٹوں کی مالیت 1 کروڑ 50 لاکھ ظاہر کی گئی۔

(جاری ہے)

نگران وزیر برائے آئی ٹی نے اہلیہ کے نام پر ایل ڈی اے سٹی لاہور میں 10 مرلے کے رہائشی پلاٹ کی مالیت 27 لاکھ ظاہر کی۔نیول انکرج لاہور میں اہلیہ کے نام پر 10 مرلے کے 2 رہائشی پلاٹوں کی قیمت 1 کروڑ 19 لاکھ ظاہر کی،اہلیہ کے نام پر اوئسٹر کاؤنٹ گلبرگ 3 لاہور میں اپارٹمنٹ کی قیمت 50 کروڑ ظاہر کی،نگران وزیر برائے آئی ٹی نے بیرون ملک کاروبار کی مالیت 11 ہزار نو سو 75 ڈالر ظاہر کی،ٹی پی ایل پی میں 4 لاکھ شیئرز کی مالیت 4 کروڑ سے زائد اور ڈیڑھ لاکھ شیئرز کی قیمت 6 لاکھ 74 سے زائد ظاہر کی،آئی ٹی کمپنی میں شیئرز کی مالیت 48 لاکھ سے زائد ظاہر کی گئی،110 تولہ سونے کی مالیت 56 لاکھ سے زائد ظاہر کی،نقدی کی صورت میں نگران وزیر آئی ٹی نے 10 لاکھ روپے سے زائد رقم ظاہر کی،نگران وزیر آئی ٹی نے ایک نجی بینک اکاؤنٹ میں 5 کروڑ 26 لاکھ روپے سے زائد جبکہ دوسرے اکاؤنٹ میں 20 ہزار ڈالر سے زائد رقم ظاہر کی ۔

عمر سیف نے اہلیہ کے اکاؤنٹ میں 97 لاکھ روپے سے زائد رقم ظاہر کی۔