سعودی عرب کا صحت مند بڑھاپے پر تحقیق کیلئے خطیر گرانٹ کا اعلان

جمعہ 1 دسمبر 2023 14:35

ریاض(اُردو پوائنٹ اخبارتازہ ترین - این این آئی۔ 01 دسمبر2023ء) سعودی عرب کے ایک ارب ڈالر سالانہ اخرجات کے حامل صحتمند طویل عمری پر تحقیق و ترقی کے غیر منافع بخش پرگرام، ہیوولوشن فانڈیشن نے ریاض میں ہونے والے افتتاحی گلوبل ہیلتھ اسپین سمٹ (Global Healthspan Summit) کے اختتامی دن طویل عمری سے متعلق سائنس کے شعبے میں پیش رفت کے لیی40 ملین ڈالر کی تحقیقی گرانٹ کا اعلان کیا ہے۔

میڈیارپورٹس کے مطابق کہ 2021 میں اپنی نوعیت کی پہلی عالمی غیر منافع بخش تنظیم ہیوولوشن فانڈیشن کا سعودی عرب میں قیام عمل میں لایا گیا تھا۔

(جاری ہے)

یہ فائونڈیشن ہیلتھ اسپین سائنس کے ابھرتے ہوئے میدان میں آزاد انہ تحقیق کو ترغیب دینے کے لیے گرانٹس اور ابتدائی مرحلے کی سرمایہ کاری فراہم کرتی ہے۔ ریاض میں صدر دفتر کے علاوہ اسکا شمالی امریکہ میں مرکز قائم کیا گیا ہے جبکہ دیگر عالمی معروف شہروں میں دفاتر کھولنے کا منصوبہ ہے۔ فائونڈیشن نے صحتمند مستقبل کے وژن اور مشن کو سپورٹ کرنے کے لیے کلیدی اہداف مقرر کئے ہیں۔فائونڈیشن نے ہر سال ایک ارب ڈالر کے بجٹ کے ساتھ سائنسی تحقیق کے مختلف منصوبوں اور ان سے جڑے علاج معالجہ کو مارکیٹ میں لانے کے عزم کے ساتھ کا م کا آغاز کیا ہے۔