مسلم لیگ (ن) کے پارلیمانی بورڈ اجلاس میں بیگم نجمہ حمید ،مشاہداللہ خان کے لئے فاتحہ خوانی

نواز شریف ، شہباز شریف کی صدارت اجلاس میں دونوں کی ملک و قوم ، پارٹی کیلئے خدمات پر خراج عقیدت پیش

ہفتہ 2 دسمبر 2023 13:50

لاہور (اُردو پوائنٹ اخبارتازہ ترین - این این آئی۔ 02 دسمبر2023ء) پاکستان مسلم لیگ (ن) کے قائد نواز شریف اور صدر شہباز شریف کی زیر صدارت پارلیمانی بورڈ کے اجلاس میں سینئر پارلیمینٹیرین بیگم نجمہ حمید اور مشاہداللہ خان کے لئے فاتحہ خوانی کی گئی ۔

(جاری ہے)

بیگم نجمہ حمید کی پہلی برسی پر اجلاس نے ان کی ملک و قوم اور پارٹی کے لئے خدمات پر خراج عقیدت پیش کرتے ہوئے کہا کہ بیگم نجمہ حمید مسلم لیگ (ن) کی پہچان تھیں، بیگم کلثوم نواز کی جدوجہد کے دوران ان کا کردار ناقابل فراموش ہے۔

اجلاس میں کہا گیا کہ مشاہداللہ خان پارٹی کا قیمتی اثاثہ تھے، مشاہداللہ خان کی کمی ہمیں ہمیشہ محسوس ہوتی رہے گی، مشاہداللہ خان نے سخت ترین حالات کا بہادری سے مقابلہ کیا،وہ نہایت وفادار، پارٹی کے نظریہ پر کاربند اور مشکلات کا بہادری سے مقابلہ کرنے والی نیک دل اور نیک نیت راہنما تھیں۔