محکمہ صنعت و حرفت اور ضلعی انتظامیہ کی غفلت یا ملی بھگت شہر اقتدار میں حکمرانوں کی ناک تلے معدنیات مافیا سرگرم ہونیکا انکشاف

مظفرآباد(اُردو پوائنٹ اخبارتازہ ترین - این این آئی۔ 03 دسمبر2023ء) محکمہ صنعت و حرفت اور ضلعی انتظامیہ کی غفلت یا ملی بھگت شہر اقتدار میں حکمرانوں کی ناک تلے معدنیات مافیا سرگرم ہونیکا انکشاف، دن کے اجالے میں بھاری مشینری استعمال کرتے ہوئے قیمتی معدنیات کی نکاسی زور و شور سے جاری، کوئلہ، تانبا،لوہا، ڈولو مائیٹ، ریت بجری،پتھر، اور دیگر کروڑوں روپے کی معدنیات ہڑپ کی جانے لگی،دومشی، پیر پشکڑ کے پہاڑ آسان ترنوالہ بن گئے، جبکہ نیلی دندی،ماکڑی،رنجاٹہ، میرا تنولیاں، دھنی مائی صاحبہ، کامسر، چہلہ تا امبور،نزد نیلم و جہلم کنارے، برار کوٹ،کوہالہ روڈ و دیگر مقامات پر ضلعی انتظامیہ سمیت تھانہ صدر،تھانہ سیکرٹریٹ و سٹی پولیس چوکی برار کوٹ اور پولیس چوکی راڑہ بھی مبینہ طور پر معدنیات مافیا کی ہم نوا بن گئے ہیں، سرکاری رقبہ جات میں سے منظم بااثر مافیا نے کوئلہ، تانبہ،لوہا، ڈولو مائیٹ، سمیت ریت و بجری پھر سمیت دیگر معدنیات بغیر لیز و کسی ٹینڈر نکالنے کا سلسلہ بدوں اجازت شروع کر رکھا ہے، ڈی سی مظفرآباد نے 4 ماہ میں دو بار دفعہ 144 نافذ کیا کہ ڈولو مائیٹ نکاسی اور سپلائی پر پابندی ہے مگر آج تک اس پر عمل درآمد پولیس نہیں کرواسکی جبکہ لوہا،تانبہ اور کوئلہ مقامی و غیر مقامی بڑے سرمایہ دار بغیر لیز کے نکال کر خزانیکو ماہانہ کروڑوب روپے نقصان پہنچا رہے ہیں ریت بجری اور پتھر بھی بغیر لیز کے نکالی جارہی ہے، وزیراعظم آزاد کشمیر چوہدری انوارالحق جو گڈگورنس کے داعی ہیں کی موجودگی میں ریاستی قیمتی معدنیات کی غیر قانونی بدوں حکومتی منظوری و محکمانہ منظوری اور نہ ہی ٹینڈرز مافیا نے گزشتہ 15 روز سے بھاری مشینری لگا کر زخائر کی نکاسی شروع کر رکھی ہے، کٹلی، راحیل کے راستے بھاری مشنری معدنیات نکالنے کے لیے لے جائی گئی مگر متعلقہ محکمہ سمیت تھانہ صدر، چوکی پولیس راڑہ اور برار کوٹ چوکی سمیت کمشنر و ڈ ڈپٹی کمشنر بھی لاعلم ہیں، اربوں روپے کی معدنیات مافیا ہڑپ کر کے ریاستی خزانے کو چاٹنے میں مصروف ہے محکمہ صنعت و حرفت سمیت دیگر نے بھی آنکھیں کان بند کر رکھے ہیں یا پھر زر کی چمک نے سب کی آنکھوں اور کانوں پر قفل لگا دیے ہیں کہ دن دیہاڑے اربوں روپے کا کوئلہ تانبہ لوہا اور دیگر قیمتی معدنیات کو نکالا جا رہا ہے مگر 15 روز گزرنے کے باوجود کسی کے کانوں پر جوں تک نہیں رینگی،سول سوسائٹی سمیت عوامی حلقوں نے وزیراعظم آزاد شمیر و دیگر ارباب اختیار سے مطالبہ کیا ہے کے ریاستی دولت کو ہڑپ کرنے والے اس مافیا اور اس کے سہولت کاروں سمیت غفلت و لاپرواہی کا مظاہرہ کرنے والے محکمہ صنعت و حرفت اور دیگر انتظامی اداروں کا قبلہ درست کرتے ہوے ریاستی دولت کو بچایا جاء۔