سعودی عرب کا تیل کی پیداوار میں کمی جاری رکھنے کا اعلان

اتوار 3 دسمبر 2023 15:30

ریاض (اُردو پوائنٹ اخبارتازہ ترین - این این آئی۔ 03 دسمبر2023ء) سعودی عرب نے تیل کی پیداوار میں 10 لاکھ بیرل یومیہ رضاکارانہ طور پر کمی کے فیصلے میں مارچ 2024 تک توسیع کر دی ۔

(جاری ہے)

سعودی خبررساں ادارے نے وزارت توانائی کے عہدیدار کے حوالے سے بتایا کہ 10 لاکھ بیرل تیل پیداوار میں کمی کے فیصلے پر عملدرآمد جولائی 2023 میں شروع ہوا تھا، یہ سلسلہ 2024 کی پہلی سہ ماہی کے آخر تک جاری رہے گا۔سعودی وزارت توانائی کا کہنا تھا کہ تیل پیداوار میں مذکورہ رضاکارانہ کمی میں توسیع اوپیک پلس میں شریک بعض ممالک کے ساتھ اتفاق پیدا کرکے کی جائے گی۔ توسیع کے تحت سعودی عرب مارچ 2024 کے آخر تک یومیہ نوے لاکھ بیرل تیل نکالے گا۔ تیل کی پیداوار میں کمی کا مقصد مارکیٹ میں استحکام لانا ہے۔