بھائی کو بچانے جانیوالا پاکستانی نوجوان خود آگ کی لپیٹ میں آکر جاں بحق

آگ ای سگریٹ کے چارجر سے لگی،خاندان کے دیگرافرادگھر سے باہر نکل کر محفوظ رہے

اتوار 3 دسمبر 2023 15:30

لندن(اُردو پوائنٹ اخبارتازہ ترین - این این آئی۔ 03 دسمبر2023ء) برطانیہ کی ویسٹ یارکشائر کانٹی کے بریڈفورڈ لٹل ہارٹن کے ایک گھر میں آگ لگنے سے ایک پاکستانی نوجوان جاں بحق ہو گیا۔برطانوی خبر میڈیا کی رپورٹس کے مطابق واقعہ فنچ اسٹریٹ میں ہفتے کی صبح 5 بج کر 30 منٹ پر پیش آیا، جب گھر کی بالائی منزل میں آگ لگی۔

(جاری ہے)

جاں بحق ہونے والا نوجوان اپنے بھائی کوبچانے بالائی منزل پرگیا جہاں آگ کی لپیٹ میں آگیا، نوجوان کا بھائی پہلے ہی کھڑکی سیچھلانگ لگاکرباہر آچکا تھا جس کے باعث وہ آتشزدگی سے محفوظ رہا۔

جب آگ لگی تب گھر میں موجود ایک آدمی، ایک بچہ اور خاتون پہلے ہی گھر سے باہر آچکے تھے، انہیں معمولی چوٹیں آئیں جنہیں اسپتال منتقل کردیا گیا۔اہل محلہ کا کہنا تھا کہ آگ ای سگریٹ کے چارجر سے لگی، البتہ اس حوالے سے پولیس کی جانب سے کوئی تصدیق نہیں کی گئی۔