گورنرسندھ کامران خان ٹیسوری نے غازی تندور کا افتتاح کردیا

اس تندور سے عوام کو 2 روپے میں روٹی دستیاب ہوگی،کامران ٹیسوری کی میڈیا سے گفتگو

پیر 4 دسمبر 2023 23:34

کراچی (اُردو پوائنٹ اخبارتازہ ترین - این این آئی۔ 04 دسمبر2023ء) گورنرسندھ کامران خان ٹیسوری نے غازی تندور کا افتتاح کردیا۔ گورنرسندھ نے کہا کہ اس تندور سے عوام کو 2 روپے میں روٹی دستیاب ہوگی۔ انہوں نے کہا کہ عوام کی فلاح و بہبود کے اقدامات جاری رکھے جائیں گے۔

(جاری ہے)

انہوں نے کہا کہ آئی ٹی کورسز کے ایڈمٹ کارڈ کا اجراء شروع کردیا گیا ہے،ان کورسز کے ذریعہ 50 ہزار طالب علموں کو آئی ٹی جدید ترین کورسز گورنر ہائوس میں پڑھائے جائیں گے۔

انہوں نے کہا کہ گورنرہائوس میں مارکی تیار ہوچکی ہے ، کمپیوٹرز بھی لگوادیئے گئے ہیں،ان تمام اقدامات پر کسی بھی طرح کے سرکاری فنڈز استعمال نہیں کئے گئے ہیں۔ انہوں نے کہا کہ شہر بھر میں اس طرح کے 48 تندور کی جگہ لی لی گئی ہے، 4 مزید تندور ک جلد افتتاح کروں گا ۔ انہوں نے کہا کہ عوام کے مسائل کرنے سے خوشی ملتی ہے،چاہئے کوئی کچھ بھی کہے عوام سے رابطہ نہیں توڑوں گا۔