۷وفاقی پولیس کی منشیات سے پاک کرنے اور نوجوان نسل کو منشیات کی لعنت سے محفوظ رکھنے کے لئے خصوصی آگاہی مہم

۲ سرکاری و نجی تعلیمی اداروں میں طلبائ کو منشیات کے نقصانات اور روک تھام کے حوالے سے خصوصی لیکچرز اہتمام

پیر 4 دسمبر 2023 21:35

اسلام آباد(اُردو پوائنٹ اخبارتازہ ترین - آن لائن۔ 04 دسمبر2023ء) وفاقی پولیس کی وفاقی دار الحکومت کو منشیات سے پاک کرنے اور نوجوان نسل کو منشیات کی لعنت سے محفوظ رکھنے کے لئے خصوصی آگاہی مہم کے دوران مختلف تھانہ جات کی حدود میں واقع مختلف سرکاری و نجی تعلیمی اداروں میں طلبائ کو منشیات کے نقصانات اور روک تھام کے حوالے سے خصوصی لیکچرز دیئے گئے۔

تفصیلات کے مطابق اسلام آباد پولیس نے وفاقی دارلحکومت کو منشیات سے پاک کرنے اور نوجوان نسل کو منشیات کی لعنت سے محفوظ رکھنے کے لئے خصوصی آگاہی مہم شروع کر رکھی ہے۔مہم کے دوران اسلام آباد پولیس ٹیموں نے تھانہ سہالہ، تھانہ ہمک، تھانہ لوہی بھیر، تھانہ کورال، تھانہ کھنہ، تھانہ کرپا، تھانہ شہزاد ٹاون، تھانہ بنی گالہ، تھانہ نیلور، تھانہ بہارہ کہو، تھانہ پھلگراں، تھانہ انڈسٹریل ایریا، تھانہ سبزی منڈی، تھانہ نون، تھانہ شمس کالونی، تھانہ شالیمار اور تھانہ رمنا کے مختلف سرکاری و نجی تعلیمی اداروں میں طلبائ کو منشیات کے نقصانات اور روک تھام کے حوالے سے خصوصی لیکچرز دئیے۔

(جاری ہے)

نوجوان خاص کر طلبائ کیلئے منشیات کا استعمال انکے صحت اور مستقبل دونوں کیلئے تباہ کن ہے۔طلبائ خود کو بھی اس ناسور سے بچائیں اور اپنے اردگرد کے افراد کو بھی منشیات جیسی لعنت سے بچانے میں اپنا کر دار ادا کریں۔والدین اور اساتذہ کے تعاون سے نوجوانوں کو منشیات کی لعنت سے بچایا جاسکتا ہے جبکہ اس ناسور کے خاتمے کے لئے علمائ کرام اپنے خطابات میں بھی لوگوں میں آگاہی فراہم کر یں،پولیس ٹیموں نے شہریوں سے التماس کی کہ وہ اپنے آس پاس منشیات کی کسی قسم کی سرگرمی کے بارے میں پولیس کو فوری اطلاع دیکر ذمہ دار شہری ہونے کا ثبوت دیں۔

جب تک عوام کا تعاون حاصل نہیں ہوگا اس ناسور کاخاتمہ ممکن نہیں ہوسکے گا۔ اسلام آباد پولیس اور اینٹی نارکوٹکس فورس مشترکہ طور پر منشیات کی روک تھام کیلئے بھر پور کردار ادا کر رہے ہیں۔جبکہ تعلیمی اداروں میں منشیات فروشوں کی گرفتاریوں کے لئے ٹیمیں بھی تشکیل دی گئی ہیں۔ آئی سی سی پی اونے کہاکہ اسلام آباد پولیس منشیات و شراب فروشی جیسے گھناونے کاروبار میں ملوث عناصر کو ہر صورت قانون کے کٹہرے میں لائے گی۔