حج کے لیے کورونا ویکسین کی شرط ختم

سرکاری اسکیم کے تحت حج درخواستوں کی وصولی 12 دسمبر تک جاری رہے گی، وزارتِ مذہبی امور

منگل 5 دسمبر 2023 23:32

اسلام آباد (اُردو پوائنٹ اخبارتازہ ترین - آن لائن۔ 05 دسمبر2023ء) وزارتِ مذہبی امور نے رواں سال 2024ء میں حج کے لیے کورونا ویکسین کی شرط ختم کردی وزارتِ کی جانب سے جاری بیان میں کہا گیا ہے کہ حج 2024ء کے لیے عازمینِ حج کو کورونا سرٹیفکیٹ جمع کرانے کی ضرورت نہیں ہے۔

(جاری ہے)

بیان میں کہا گیا ہے ملک میں سرکاری اسکیم کے تحت حج کے لیے درخواستوں کی وصولی جاری ہے، حج درخواستیں 15 بینکوں میں جمع کروائی جا سکتی ہیں۔ بیان میں کہا گیا ہے کہ سرکاری اسکیم کے تحت حج درخواستوں کی وصولی 12 دسمبر تک جاری رہے گی، اس مرتبہ 89 ہزار 605 پاکستانی سرکاری اسکیم کے تحت فیضہ حج ادا کریں گے۔