ٰسنٹرل پولیس آفس: آئی جی پنجاب کی جانب سے پولیس ملازمین کی ہیلتھ ویلفیئر کیلئے اقدامات جاری

ڈاکٹر عثمان انور نے 07 مزید ملازمین کی ہیلتھ ویلفیئر، میڈیکل اخراجات کیلئے 12 لاکھ روپے جاری کر دئیے

جمعہ 8 دسمبر 2023 20:40

م*لاہور (اُردو پوائنٹ اخبارتازہ ترین - آن لائن۔ 08 دسمبر2023ء) انسپکٹر جنرل پولیس پنجاب ڈاکٹر عثمان انور کی جانب سے پولیس فورس اورانکے اہل خانہ کی ہیلتھ ویلفیئر کیلئے بھرپور اقدامات جاری ہیں جس کے تسلسل میں آئی جی پنجاب ڈاکٹر عثمان انور نے 07 مزید ملازمین کی ہیلتھ ویلفیئر، میڈیکل اخراجات کیلئے 12 لاکھ روپے جاری کر دئیے ہیں۔ تفصیلات کے مطابق پی ایچ پی کے لانگری مزمل عباس کو علاج معالجے کیلئے 03 لاکھ روپے جاری کئے گئے، اے ایس آئی محمد میزان کو اہلیہ کے کیسز کے علاج کیلئے 02 لاکھ 50 ہزار روپے دئیے گئے، لاجسٹکس برانچ کے سینئر کلرک محمد ندیم کو بیٹے کے عارضہ قلب کے علاج کیلئے 02 لاکھ روپے جاری کئے گئے، اے ایس آئی محمد ہارون کو بلڈ کینسر کے علاج کیلئے 01 لاکھ 31 ہزار روپے دئیے گئے، ٹیلی ٹرانسپورٹ کے سب انسپکٹر ظہور احمد کو آنکھوں کے علاج کیلئے 01 لاکھ روپے جاری کئے گئے، فیصل آباد کے کانسٹیبل سخاوت علی کو میڈیکل اخراجات کی مد میں 01 لاکھ روپے دئیے گئے، اسی طرح سپیشل برانچ کے انسپکٹر ناصر پرویز کو ٹانگ کے آپریشن کیلئے 01 لاکھ روپے دئیے گئے۔

(جاری ہے)

آئی جی پنجاب ڈاکٹر عثمان انور نے پولیس فورس بالخصوص کانسٹیبلان کی ہیلتھ ویلفیئر کیلئے بھرپور اقدامات جاری رکھنے کا حکم دیتے ہوئے کہا کہ صحت کے مسائل سے دوچار افسران و اہلکاروں کے علاج معالجے کیلئے اقدامات میں تیزی لائی جائے۔آئی جی پنجاب ڈاکٹر عثمان انور نے کہاکہ کسی بھی عارضہ صحت سے دوچار پولیس ملازم یا اسکے اہلخانہ کو بیماری کے خلاف جنگ میں تنہا نہیں چھوڑا جائے گا۔ آئی جی پنجاب نے افسران کو ہدایت کی کہ وہ اپنے اضلاع سے پولیس ملازمین کی ہیلتھ ویلفیئر سے متعلقہ کیسز کے دستاویزات مکمل کرکے سنٹرل پولیس آفس بھجوائیں تاکہ ان پر فوری ایکشن لیتے ہوئے ملازمین کو ہر ممکن ریلیف دیا جائی