اوپن یونیورسٹی میں تحقیق پر مبنی مصنوعات،ماڈلز/ پوسٹرزکی نمائش

ہفتہ 9 دسمبر 2023 12:34

اسلام آباد (اُردو پوائنٹ اخبارتازہ ترین - اے پی پی۔ 09 دسمبر2023ء) علامہ اقبال اوپن یونیورسٹی اپنے طلبہ کوکاروباری آئیڈیازکو دنیا کے سامنے پیش کرنے کے لئے ا کیڈمک سپورٹ فراہم کر رہی ہےتاکہ ان کے کاروباری تصور کو پروان چڑھایا جاسکے، اس حوالے سے شعبہ کیمسٹر ی کے زیر اہتمام گذشتہ روز بی ایس کے طلبہ کی تیار کردہ مصنوعات، ماڈلز/پوسٹرز کی نمائش کا انعقاد کیا گیا جس میں 71طلبا و طالبات نے حصہ لیا، نمائش میں 30پراجیکٹس رکھے گئے ۔

تقسیم اسناد کی تقریب سے خطاب کرتے ہوئے شعبہ کیمسٹر ی کی چیئرپرسن ڈاکٹر عظمیٰ یونس نے کہا کہ یونیوسٹی کا مقصدنئی نسل کو انٹرپرینیورشپ کی جانب راغب کرناہے تاکہ وہ والدین کا سہارا بنیں اور ملک کی سماجی و اقتصادی ترقی میں کردا ر ادا کریں۔

(جاری ہے)

انہوں نے کہا کہ یہ نمائش یونیورسٹی میں گولڈن جوبلی کے حوالے سے جاری تقریبات کے سلسلے کی کڑی تھی۔

نمائش کے انعقاد میں سپورٹ فراہم کرنے پر ڈاکٹر عظمیٰ یونس نے فیکلٹی آف سائنسز کے ڈین، پروفیسر ڈاکٹر ارشاد احمد ارشد اور وائس چانسلر، پروفیسر ڈاکٹر ناصر محمود کا شکریہ ادا کیا۔ واضح رہے کہ آئندہ سال یونیورسٹی کی گولڈن جوبلی ہے، وائس چانسلر کی ہدایات کی روشنی میں اس جشن کو بھرپور انداز سے منانے کے لئے یونیورسٹی میں علمی تقریبات عروج پر ہیں۔

Facebook Twitter Google + Share on Whatsapp

اوپن یونیورسٹی میں تحقیق پر مبنی مصنوعات،ماڈلز/ پوسٹرزکی نمائش

متعلقہ عنوان :

مزید تعلیم کی خبریں